తమిళ అగ్రకథానాయికల్లో ఒకరిగా వెలుగొందుతున్న టాప్ హీరోయిన్ నయనతార తాజాగా తన కొత్త చిత్రానికి సంబంధించిన చిత్రీకరణలో పాల్గొన్నారు. ఇటీవలే పూజా కార్యక్రమాలు పూర్తి చేసుకున్న ఈ సినిమా షూటింగ్ను గ్రాండ్గా ఆరంభించారు మేకర్స్. అంతేకాకుండా ఈ సినిమా స్పెషల్ ఏంటంటే ఎప్పుడో 2013లో విడుదలైన రాజా రాణి చిత్రంలో జతకట్టిన జోడీయే మళ్లీ ఈ సినిమాలో అలరించనుంది. అప్పట్లో ఈ సినిమా మంచి హిట్ను నమోదు చేసుకుంది. దీంతో 10 ఏళ్ల తర్వాత వీరి కాంబోలో వస్తున్న చిత్రం కావడం వల్ల ప్రేక్షకులు ఈ కొత్త మూవీ కోసం ఆసక్తిగా ఎదురు చూస్తున్నారు. దశాబ్ద కాలంగా సౌత్ ఇండస్ట్రీలో ముఖ్యంగా తమిళ చిత్రసీమలో నయనతార టాప్ హీరోయిన్గా దూసుకుపోతున్నారు. అంతేకాదు దక్షినాదిలో అత్యధిక రెమ్యునిరేషన్ తీసుకుంటున్న నటీమణుల లిస్ట్లో మొదిట స్థానంలో ఉన్నారు నయన్.
ఇక చెప్పుకోవాల్సింది.. లేడీ ఓరియెంటెడ్ సినిమాల గురించి. ఈ తరహా సినిమాలు తీయాలంటే ముందుగా నయనతారనే గుర్తుకు వస్తున్నారట అక్కడి దర్శకనిర్మాతలకు. అంతలా ఓ పాత్రలో ఒదిగిపోయి నటిస్తారు నయన్. దీంతో విమెన్ ఓరియెంటెడ్ చిత్రాలకు కేరాఫ్ అడ్రస్గా మారారు ఈ తమిళ భామ. ఇది పక్కన పెడితే ఒకప్పుడు వరుస హిట్లతో దూసుకుపోయిన నయన్.. గత కొంతకాలంగా ఈమె నటించిన సినిమాలు వరుస ఫ్లాప్లుగా నిలుస్తున్నాయి. వీటితోపాటు గతేడాది జూన్లోనే తమిళ సినిమా దర్శకుడు, నటుడు విఘ్నేశ్ శివన్ వివాహం చేసుకున్న సంగతి తెలిసిందే. ఇక తాజాగా పండంటి కవల పిల్లలకు కూడా జన్మనిచ్చారు నయన్. దీంతో ఈమె సినీ కెరీర్ ట్రాక్ కాస్త స్లో అయింది.