Oscar For Rajamouli : ''రాజమౌళికి ఆస్కార్ అవార్డు రావాలని కోరుకుంటున్నాను. ఆ పురస్కారానికి ఆయన అర్హుడు'' - శుక్రవారం రాత్రి ఢిల్లీలో జరిగిన ఓ ప్రోగ్రామ్‌లో మెగా పవర్ స్టార్ రామ్ చరణ్ చెప్పిన మాట. యంగ్ టైగర్ ఎన్టీఆర్తో కలిసి ఆయన నటించిన 'ఆర్ఆర్ఆర్' ఆస్కార్ బరిలో ఉండటంపై ఈ విధంగా స్పందించారు.
ఆస్కార్... ఆస్కార్... ఆస్కార్... ప్రపంచ సినిమాలో చాలా మంది అత్యున్నత పురస్కారంగా భావించే అవార్డు. ఒక్కసారైనా ఆస్కార్ అందుకోవాలని ఆశించే కళాకారులు, సాంకేతిక నిపుణులు ఎంతో మంది ఉన్నారు. మరి, రాజమౌళికి ఆ ఆస్కార్ వచ్చే ఆస్కారం ఉందా? అవార్డు సంగతి పక్కన పెడితే... నామినేషన్ లభిస్తుందా? ఆయనకు నామినేషన్ వచ్చే అవకాశం ఎంత ఉంది? అంటే.. 72 శాతం అని చెబుతున్నారు నిపుణులు.