Rajamouli New Film : 'బాహుబలి' సిరీస్, 'ఆర్ఆర్ఆర్' చిత్రాలతో టాలీవుడ్ ఖ్యాతిని ప్రపంచస్థాయికి తీసుకువెళ్లిన దర్శకధీరుడు రాజమౌళి. అయితే ఆయన ఓ భారీ అనౌన్స్మెంట్ ఇవ్వనున్నారంటూ ప్రచారం సాగిన సంగతి తెలిసిందే. ఇండియన్ సినిమాపై ఆయన బయోపిక్ నిర్మిస్తారంటూ వార్తలు వచ్చాయి. ఇప్పుడది నిజమైంది. అందరూ అనుకున్నట్టే.. ఆయన ఇండియన్ సినిమాను భారీగా స్థాయిలో ప్రజెంట్‌ చేస్తున్నట్లు క్లారిటీ ఇచ్చారు.
Rajamouli New Movie On Indian Cinema :అసలు ఇండియన్ సినిమా ఎక్కడ పుట్టింది. దానికి మూలం ఏంటి అనే కథతో ఈ సినిమా రూపుదిద్దుకుంటోంది. 'మేడ్ ఇన్ ఇండియా' పేరుతో రానుంది. నితిన్‌ కక్కర్‌ దర్శకత్వం వహిస్తున్నారు. ఎస్‌ఎస్‌ కార్తికేయ, వరుణ్‌ గుప్తా కలిసి నిర్మిస్తున్నారు. ఇది రాజమౌళి సమర్పణలో రానుంది. ఈ విషయాన్నే తెలుపుతూ దర్శకధీరుడు ట్వీట్‌ కూడా చేశారు.
"ఈ స్టోరీ విన్నగానే.. నేను ఎమోషనల్ అయ్యాను. బయోపిక్‌లను తెరకెక్కించడం చాలా కష్టమైన పని. అలాంటిది ఇండియన్ సినిమాపై బయోపిక్‌ను చేయాలంటే అది మరింత సవాళ్లలో కూడుకున్న విషయం. ఈ చిత్ర యూనిట్‌ ఆ సవాళ్లకు రెడీగా ఉంది. ఇలాంటి సినిమాను సమర్పిస్తున్నందుకు నాకెంతో గర్వంగా ఉంది. " అని జక్కన్న రాసుకొచ్చారు. ఈ చిత్రం పాన్‌ ఇండియా స్థాయిలో రాబోతుంది. ఇండియన్ సినిమా బర్త్ అండ్ రైజ్(భారతీయ సినిమా పుట్టుక, ఎదుగుదల) చూపించన్నారు. ఆరు భాషల్లో ఈ చిత్రం విడుదల కానుంది.