Prabhu Daughter Marriage :ప్రముఖ నటుడు ప్రభు కుమార్తె ఐశ్వర్య వివాహం గ్రాండ్గా జరిగింది. 'మార్క్ ఆంటోనీ' సినిమాతో సూపర్ సక్సెస్ అందుకున్న యంగ్ డైరెక్టర్ అధిక్ రవిచంద్రన్ ఆమె మెడలో మూడు ముళ్లు వేశారు. చెన్నైలోని ఓ ప్రైవేట్ ఫంక్షన్‌ హాల్‌లో ఇరు కుటుంబాల పెద్దలతో పాటు అతి కొద్ది మంది సన్నిహితుల సమక్షంలో శుక్రవారం ఉదయం ఈ జంట వివాహ బంధంతో ఒక్కటైంది. అయితే ఈ పెళ్లి వేడుకకు తమిళ సినీ ఇండస్ట్రీకి చెందిన పలువురు నటీనటులు హాజరై సందడి చేశారు. నూతన వధూవరులను ఆశీర్వదించి శుభాకాంక్షలు తెలిపారు. నూతన జంటకు శుభాకాంక్షలు చెబుతూ నటుడు విశాల్ తాజాగా ట్వీట్‌ చేశారు. అందులో పెళ్లి ఫొటోలను షేర్ చేశారు. ప్రస్తుతం ఈ ఫొటోలు నెట్టింట తెగ ట్రెండ్ అవుతున్నాయి.
"మై డార్లింగ్ అధిక్, నా సోదరి ఐశ్వర్యకు హృదయపూర్వక శుభాకాంక్షలు. జీవితంలో ఓ కొత్త అంకాన్ని ప్రారంభిస్తున్న మీకు ఆ భగవంతుడి ఆశీస్సులు ఎల్లప్పుడూ ఉండాలని నేను కోరుకుంటున్నాను. అధిక్ నా సోదరిని ఓ యువరాణిలా చూసుకో" అంటూ విశాల్ నూతన వధూవరులను ఉద్దేశించి ఎమోషనల్ పోస్ట్ షేర్ చేశారు.
Director Adhik Ravichandran Marriage :ఇక అధిక కెరీర్ విషయానికి వస్తే 2015లో విడుదలైన 'త్రిష ఇల్లానా నయనతార' అనే సినిమాతో డైరెక్టర్గా ఎంట్రీ ఇచ్చారు. 'దబాంగ్‌ 3'చిత్రానికి తమిళ డైలాగ్స్‌ ఈయనే రాశారు. అయితే ఈ ఏడాది విడుదలైన 'మార్క్ ఆంటోనీ'తో ఆయన తొలి విజయాన్ని అందుకుని సూపర్ ఫేమస్ అయ్యారు. త్వరలోనే ఆయన అజిత్‌తో ఓ సినిమా చేసే అవకాశం ఉన్నట్లు సినీ వర్గాల సమాచారం.