'ఆర్ఆర్ఆర్'తో ప్రపంచవ్యాప్తంగా గుర్తింపు తెచ్చుకున్నారు మెగా పవర్ స్టార్ రామ్ చరణ్. 'నాటు నాటు..' పాటతో ఆస్కార్ వరకు వెళ్లారు. తాజాగా ఈ నటుడు మరో ఘనత సాధించారు. ఐడీఎమ్బీ విడుదల చేసిన 'పాపులర్ ఇండియన్ సెలెబ్రిటీస్' జాబితాలో ఈ వారానికి గానూ మొదటి స్థానాన్ని సొంతం చేసుకున్నారు. ఈ జాబితాలో రామ్ చరణ్ తర్వాతి రెండు స్థానాల్లో బాలీవుడ్ అందాల భామలు దీపికా పదుకొణె, ఆలియా భట్ నిలిచారు. నాల్గో ప్లేస్లో నిమ్రత్ కౌర్, ఐదో స్థానంలో ప్రియా బెనర్జీ, ఉన్నారు. మరో ఆర్ఆర్ఆర్ స్టార్ యంగ్ టైగర్ ఎన్టీఆర్ ఆరో ప్లేస్ దక్కించుకున్నారు. ఈ విషయాన్ని రామ్ చరణ్ భార్య ఉపాసన సోషల్ మీడియా వేదికగా పంచుకుని సంతోషం వ్యక్తం చేశారు. ఇన్స్టాలో ఓ స్టోరీ పెట్టి.. "ప్రస్తుతం నా జీవితంలో #1 ట్రెండింగ్‌ అవుతోంది" అంటూ రాసుకొచ్చారు.
ఇటీవలే ఆస్కార్లో మెరిసిన రామ్ చరణ్ వరుస సినిమాలతో దూసుకెళ్తున్నారు. ప్రస్తుతం ఆయన హీరోగా నటిస్తున్న ఆర్సీ 15 సినిమా శరవేగంగా చిత్రీకరణ జరుపుకుంటోంది. ఈ చిత్రానికి దిగ్గజ డైరెక్టర్ శంకర్ దర్శకత్వం వహిస్తున్నారు. రామ్చరణ్ సరసన కియారా అడ్వాణీ ఆడిపాడనుంది.
పడిపోయిన విరాట్ కోహ్లీ 'విలువ'..
మరోవైపు.. మోస్ట్ వాల్యుబుల్ సెలబ్రిటీ లిస్ట్లో ప్రముఖ బాలీవుడ్ నటుడు రణ్వీర్ సింగ్.. క్రికెటర్ విరాట్ కోహ్లీని వెనక్కు నెట్టి.. భారత్లో అత్యంత విలువైన సెలెబ్రిటీగా అవతరించాడు. 2022లో కోహ్లీ కనబర్చిన పేలవ ప్రదర్శనే.. అతడి బ్రాండ్ విలువ పడిపోవడానికి కారణమని క్రీడా నిపుణులు విశ్లేషిస్తున్నారు. దాని వల్ల 2021లో 185.7 మిలియన్ డాలర్లుగా ఉన్న అతడి బ్రాండ్ వాల్యూ.. 176.9 మిలియన్లకు పడిపోయినట్ల సమాచారం. అయితే ఈ వాల్యూ 2020లో 237.7 యూఎస్ డాలర్లుగా ఉండేదని సమాచారం. ఈ మేరకు క్రోల్ అనే కన్సల్టింగ్ సంస్థ నివేదిక విడుదల చేసింది.
2021లో బాలీవుడ్ సూపర్ స్టార్ అక్షయ్ కుమార్ను నెట్టి రెండో స్థానానికి ఎగబాకిన రణ్వీర్ సింగ్.. ఇప్పుడు కొహ్లీని అధిగమించి మొదటి ప్లేస్ సొంతం చేసుకున్నాడు. అతడికి ఉన్న ఎండోర్స్మెంట్(ప్రకటనలు) పోర్టుఫోలియో, ప్రపంచవ్యాప్తంగా ఉన్న గుర్తింపు కారణంగానే ఈ మొదటి దక్కించుకున్నాడని క్రోల్ మేనేజింగ్ డైరెక్టర్ అవిరల్ జైన్ తెలిపారు. దక్షిణాది సినీ పరిశ్రమ నుంచి అల్లు అర్జున్ (31.4 మిలియన్ యూఎస్ డాలర్లు), రష్మిక మందాన (25.3 మిలియన్ యూఎస్ డాలర్లు) టాప్ 25 జాబితాలో చోటు సంపాదించారు.
80.3 మిలియన్ డాలర్ల బ్రాండ్ విలువతో టీమ్ఇండియా మాజీ కెప్టెన్ మహేంద్ర సింగ్ ధోనీ ఆరు, సచిన్ తెందూల్కర్ 8వ ప్లేస్లో ఉన్నారు. బాలీవుడ్ బాద్షా షారుక్ ఖాన్ 55.7 మిలియన్ డాలర్లతో 10 స్థానంలో నిలిచారు. ఆ తర్వాతి ప్లేస్లో 54.5 మిలియన్ డాలర్లతో సల్మాన్ ఖాన్ నిలిచారు. ఒలింపిక్ గోల్డ్ మెడలిస్ట్ నీరజ్ చోప్రా 26.5 మిలియన్ డాలర్ల బ్రాండ్ వాల్యూతో టాప్ 25 జాబితాలో స్థానం దక్కించుకున్నారు. మహిళల్లో 102.9 మిలియన్ డాలర్లతో ఆలియా భట్ మొదటి ప్లేస్లో నిలిచింది. ఈమె బ్రాండ్ విలువ 2021లో 68.1 మిలియన్ డాలర్ల నుంచి 2022లో 102.9 మిలియన్ డాలర్లకు ఎగబాకింది.
