Pawan Kalyan Bro Movie : ప‌వ‌ర్ స్టార్ పవన్ కల్యాణ్, మెగా సుప్రీం హీరో సాయిధ‌ర‌మ్‌ తేజ్ కాంబోలో తెరకెక్కుతున్న లేటెస్ట్ మూవీ 'బ్రో' తమిళ నటుడు సముద్రఖని తెరకెక్కిస్తున్న ఈ సినిమా.. 'వినోద‌య సీతం' అనే కోలీవుడ్ సినిమాకు రీమేక్‌గా రూపొందుతోంది. మామా అల్లుళ్లు ఒకే స్క్రీన్ షేర్ చేసుకుంటున్నందున ఈ సినిమాపై అటు మెగా ఫ్యాన్స్తో పాటు సినీ లవర్స్ కూడా ఆసక్తి నెలకొంది. 'గోపాల గోపాల' సినిమాలో శ్రీ కృష్ణునిగా కనిపించిన పవన్.. ఈ సినిమాలోనూ దేవుడిగా కనిపించనున్నారు. శరవేగంగా షూటింగ్ జరుపుకున్న ఈ సినిమా షూటింగ్ ప్రస్తుతం ప్రస్తుతం పోస్ట్ ప్రొడక్ష‌న్ పనుల్లో ఉంది. ఈ క్రమంలో ఇప్పటికే సాయి ధరమ్ లుక్తో పాటు పవన్ లుక్ను రిలీజ్ చేసిన మూవీ టీమ్.. తాజాగా ఓ అప్డేట్ ఇచ్చి ఫ్యాన్స్కు ఉత్తేజం తెప్పించింది.
Bro Movie New Poster : ఈ సినిమా దర్శకుడు సముద్రఖని ట్విట్టర్ వేదికగా ఓ అదిరిపోయే పోస్టర్ను అప్లోడ్ చేశారు. అందులో పవన్ కల్యాణ్, సాయి ధరమ్ తేజ్ లుంగీ కట్టుకుని స్టైల్గా నిల్చున్నారు. ఈ పోస్టర్ చూసిన ఫ్యాన్స్ ఇక ఆనందంతో ఉబ్బి తబ్బిపోయారు. 'తమ్ముడు' సినిమాలో పవన్ను చూసిన ఫీలింగ్ వస్తోందని'.. నెట్టింట ఈ పోస్టర్ను తెగ ట్రెండ్ చేస్తున్నారు. ఇక ఈ వింటేజ్ లుక్లో తేజ్ కూడా మామకు తగ్గట్టుగా సూపర్గా ఉన్నాడంటూ ఫ్యాన్స్ కామెంట్లు పెడుతున్నారు.