రామ్ చరణ్, ఎన్టీఆర్.. ఆర్ఆర్ఆర్ చిత్రంతో దేశవ్యాప్తంగా గుర్తింపు తెచ్చుకున్నారు. ఈ స్టార్ హీరోల యాక్టింగ్కు పాన్ ఇండియా ఫిదా అయింది. దిగ్గజ దర్శకుడు రాజమౌళి ఇంటెలిజెంట్ స్టోరీ టెల్లింగ్కు దేశంలోని ప్రేక్షకులే కాకుండా ప్రపంచ వ్యాప్తంగా కూడా ఫ్యాన్స్ అయిపోయారు. కాగా, ఆర్ఆర్ఆర్ చిత్రం ఇప్పటి వరకు చాలా ప్రతిష్ఠాత్మక అవార్డులు అందుకుంది. ఇప్పడు ఆస్కార్ రేసులో కూడా ఉంది. ఈ సినిమా అఖండ విజయం సాధించడం వల్ల.. రామ్చరణ్, ఎన్టీఆర్తో సినిమా తీసేందుకు డైరెక్టర్లు క్యూ కడుతున్నారు. ఈ క్రమంలో ఇద్దరు హీరోలు వరుస సినిమాలకు గ్రీన్ సిగ్నల్ ఇస్తున్నారు. ప్రస్తుతం ఈ పాన్ ఇండియా స్టార్లు పలు చిత్రాల్లో నటిస్తూ తీరిక లేకుండా గడుపుతున్నారు. తాజాగా ఈ అగ్ర కథానాయకులు వారి ఫొటోలను ప్రేక్షకులతో పంచుకున్నారు.
బ్లాక్ డ్రెస్సులో కపుల్ పోజు.. విత్ బ్రౌన్ 'రైమ్'..
ఉపాసన.. భర్త రామ్ చరణ్తో కలిసి దిగిన ఫొటోను షేర్ చేశారు. అందులో రామ్చరణ్ బ్లాక్ సూట్తో స్టైలిష్ లుక్లో కనిపిస్తున్నారు. ఉపాసన కూడా మ్యాచింగ్గా బ్లాక్ కలర్తో ఉన్న గౌన్లో అందంగా ఉన్నారు. అయితే ఆ ఫొటోలో వారి పెంపుడు కుక్క 'రైమ్'ని ఎత్తుకుని ఉపాసన నిలుచున్నారు. ఇంతకుముందు కూడా రామ్చరణ్ చాలా సార్లు ఈ కుక్క పిల్లతో కనిపించారు.
ఆర్ఆర్ఆర్ సినిమా ప్రమోషన్స్కు కూడా ఈ కుక్క పిల్లను తీసుకెళ్లారు. అయితే ఈ కుక్కపిల్లను వారి కుటంబ సభ్యుల్లో ఒకరిగా చూసుకుంటారట. అందుకే దానికి ఆ ఇంట్లో ప్రత్యేక స్థానం మరి. అదేకాక తరచుగా పెంపుడు జంతువులను ఇంటికి తీసుకొస్తుంటారట రామ్ చరణ్. ఉపాసనకు కూడా జంతువులంటే చాలా ఇష్టమట. ప్రస్తుతం రామ్ చరణ్ ఆర్సీ 15 సినిమాలో నటిస్తున్నారు. ఆ తర్వాత జెర్సీ ఫేమ్ గౌతమ్ తిన్ననూరి దర్శకత్వంలో ఓ సినిమా చేయనున్నారు.
బుల్లి టైగర్స్ మిస్సింగ్.. ఎక్కడున్నారు?
ఇక ఎన్టీఆర్ కుటుంబ సమేతంగా అమెరికా వెకేషన్కు వెళ్లారు. వెకేషన్లో భాగంగా న్యూయార్క్లో పర్యటిస్తున్నారు. ఇటీవల న్యూయార్క్లోని ఓ ఇండియన్ రెస్టారెంట్కు వెళ్లారు ఎన్టీఆర్. అమెరికాలో భారతీయ వంటలు కావాలంటే బెస్ట్ ఇండియన్ హోటల్ ఇదేనని.. ఓ హోటల్లోని చెఫ్లతో దిగిన ఫొటోలు షేర్ చేశారు ఎన్టీఆర్.
ఈ మేరకు న్యూయార్క్ టైం స్క్వేర్లో దిగిన ఓ ఫొటోను షేర్ చేశారు తారక్. దానికి 'న్యూయార్క్ మినట్ను ఎంజాయ్ చేస్తున్నాం' అని రాసుకొచ్చారు. కాగా ఈ పోస్ట్పై అభిమానులు స్పందించారు. 'మీరు ఇండియాలో ఫ్రీగా ఉండలేరు. ఎందుకంటే మీకు పెద్ద పెద్ద సెలబ్రిటీలే ఫ్యాన్స్' అని ఓ అభిమాని కామెంట్ చేయగా..'ఈ ఫొటోలో బుల్లి టైగర్లు కనిపించట్లేదు' అంటూ మరో నెటిజన్ రాసుకొచ్చాడు. కాగా, ఎన్టీఆర్ ప్రస్తుతం కొరటాల శివ దర్శకత్వంలో నటిస్తున్నారు. కేజీఎఫ్ ఫేమ్ ప్రశాంత్ నీల్ దర్శకత్వంలో మరో సినిమాకు ఓకే చెప్పారు.
