Nitin Gadkari Biopic : ప్రస్తుతం భారతీయ చలన చిత్ర పరిశ్రమలో బయోపిక్‌ల ట్రెండ్‌ నడుస్తోంది. తాజాగా శ్రీలంక క్రికెటర్‌ ముత్తయ్య మురళీధరన్ జీవితం ఆధారంగా రూపొందిన '800'.. ప్రేక్షకులను విశేషంగా ఆకట్టుకుంటోంది. ఈ నేపథ్యంలోనే త్వరలోనే.. భారత రోడ్డు రవాణా, రహదారుల శాఖ మంత్రి నితిన్ గడ్కరీ జీవితం వెండితెరపై రానుంది. 'గడ్కరీ' పేరుతో రూపొందిన ఈ బయోపిక్ అక్టోబరు 27న విడుదల కానుంది. ఈ మేరకు చిత్ర బృందం పోస్టర్‌ని రిలీజ్ చేసింది.
ఆ విషయాన్ని సస్పెన్స్లో పెట్టిన టీమ్
Nitin Gadkari Movie Release Date : బయోపిక్ అనగానే ఆయా నిజ జీవిత పాత్రల్లో నటించింది ఎవరా? అని ప్రేక్షకుల్లో ఆసక్తి నెలకొంటుంది. ఈ సినిమా విషయంలో కూడా అలానే ఉంది. అయితే, ఇప్పటి వరకు.. ఈ సినిమాలో నితిన్ గడ్కరీ పాత్ర పోషించిన నటుడి వివరాలను వెల్లడించకుండా సస్పెన్స్ క్రియేట్‌ చేస్తోంది చిత్ర బృందం. విడుదల చేసిన పోస్టర్‌లో ప్రధాన పాత్రధారి లుక్‌ ఉన్నా అది వెనకకు తిరిగి ఉంటుంది. దీంతో ఆయన ఫేస్ కనిపించడం లేదు. విడుదలకు 21 రోజుల సమయమే ఉన్నా హీరో ఎవరో చెప్పకపోవడం గమనార్హం. మరికొన్ని రోజుల్లోనైనా ఆ డిటైల్స్‌ రివీల్‌ చేస్తారా? లేదా నేరుగా తెరపైనే ఆ హీరోని పరిచయం చేస్తారా? అంటే వేచి చూడాల్సిందే.