100 Dogs Movie : ప్రస్తుత రోజుల్లో సినిమా ఇండస్ట్రీలో ఎన్నో ప్రయోగాలు జరుగుతున్నాయి. జంతువులను సినిమాల్లో వాడటం కామన్ అయిపోయింది. వాటి ఎమోషన్స్ను ఎంతో నైపుణ్యంతో క్యాప్చర్ చేసి.. ప్రేక్షకులను కట్టిపడేస్తున్నారు దర్శకులు. అయితే తాజాగా మలయాళంలో తెరకెక్కిన 'వాలాట్టి: టేల్ ఆఫ్ టెయిల్స్' చిత్రం.. అందరి దృష్టిని ఆకర్షిస్తోంది. జూలై 21న థియేటర్లలో విడుదలైన ఈ చిత్రం శునక ప్రేమికులను విశేషంగా ఆకట్టుకుంటోంది. ఈ సినిమాలో కుక్కలు కూడా మాట్లాడడం విశేషం!
Valatty Tale Of Tails : కేరళలో వీధి కుక్కల సమస్య తీవ్రంగా ఉన్నట్లు వార్తలు వచ్చాయి. అదే సమయంలో వాలాట్టి: టేల్ ఆఫ్ టేల్స్ చిత్రాన్ని మేకర్స్ విడుదల చేశారు. కుక్కతో సినిమా తీయడమే సవాల్. ఇలాంటి పరిస్థితుల్లో దర్శకుడు దేవన్ 100కు పైగా కుక్కలను పట్టుకుని సినిమా తీశారు. అయితే కుక్కల గురించి చాలా మందికి చెడు అభిప్రాయం ఉందని, ఈ అభిప్రాయాన్ని మార్చుకోవాలనేది చిత్రం ఉద్దేశమని ఆయన ఓ ఇంటర్వ్యూలో తెలిపారు. అందుకే కుక్కలు తమ కష్టాలు చెప్పుకునే విధంగా సినిమా తీశామని చెప్పారు.