బాలీవుడ్ ప్రముఖ నిర్మాత, దర్శకుడు కరణ్ జోహార్ షాకింగ్ ప్రకటన చేశారు. 'కాఫీ విత్ కరణ్' టాక్ షో దేశ వ్యాప్తంగా ఎంత పాపులర్ అయిందో అందరికీ తెలిసిందే. ఇప్పటివరకు ఆరు సీజన్లు పూర్తి చేసుకున్న ఈ షో.. ఏడో సీజన్ గ్రాండ్‌గా ప్రారంభం అవుతుందని అభిమానులు ఎంతగానో ఎదురు చూశారు. అయితే తాజాగా ఈ షోకు సంబంధించి.. కరణ్ ట్విస్ట్ ఇచ్చారు. షోను ముగించినట్లు తెలుపుతూ.. సోషల్ మీడియాలో ఓ భావోద్వేగ పోస్ట్ను పెట్టారు.
"కాఫీ విత్ కరణ్ అనేది నా జీవితంలోనే కాకుండా మీ అందరి జీవితంలోనూ ఓ భాగమైంది. ఇప్పటి వరకు ఆరు సీజన్లు పూర్తి చేసుకుంది. మీ అందరి మీద ఆ షో ఎంతో ప్రభావాన్ని చూపించిందని భావిస్తున్నా. ఇప్పుడు బరువెక్కిన హృదయంతో ఈ ప్రకటనను విడుదల చేస్తున్నా. ఇకపై ఈ షోను చేయడం లేదు. మళ్లీ ఇకపై ఈ షో రాదు" అంటూ కరణ్ ఎమోషనల్ నోట్ షేర్ చేశారు. కాగా, దీనిపై స్పందించిన ముంచు లక్ష్మీ.. 'గుండె బద్ధలైంది' అనే అర్థం వచ్చేలా ఎమోజీని ట్వీట్ చేశారు.