King Of Kotha Movie :సీతారామం హీరో దుల్కర్ సల్మాన్ - దర్శకుడు అభిలాష్‌ జోషి కాంబినేషన్లో తెరకెక్కిన సినిమా 'కింగ్ ఆఫ్ కొత్త'. పాన్ ఇండియా లెవెల్లో రూపొందిన ఈ సినిమా ప్రీ రిలీజ్ ఈవెంట్ హైదారాబాద్లో ఆదివారం ఘనంగా జరిగింది. కాగా ఈ వేడుకకు టాలీవుడ్ స్టార్ హీరోలు దగ్గుబాటి రానా, నాని ముఖ్య అతిథులుగా హాజరయ్యారు. హీరో నాని మాట్లాడుతూ.. పాన్ ఇండియా సినిమాలపై ఇంట్రెస్టింగ్ కామెంట్స్ చేశారు. మరి నాని ఏమన్నాడంటే..
"ప్రస్తుతం అందరూ పాన్ ఇండియా సినిమా అంటున్నారు. కానీ నాకు ఆ పదం నచ్చదు. కానీ రియల్ పాన్ ఇండియా స్టార్ మాత్రం దుల్కరే. ఎందుకంటే తన కోసం తెలుగు, తమిళ్, హిందీ, మలయాళ, కన్నడ అన్ని భాషల డైరెక్టర్లు కథ రాస్తారు. ఇది కదా అసలైన పాన్ ఇండియా స్టార్కు అర్థం. ఈ సినిమా ('కింగ్ ఆఫ్ కొత్త') ట్రైలర్ బాగుంది. సినిమా కూడా సక్సెస్ అవ్వాలని కోరుకుంటున్నా" అని నాని అన్నారు. అలాగే దుల్కర్ సల్మాన్, తనకు మధ్య ఉన్న అనుబంధం గురించి నాని చెప్పుకొచ్చారు. దుల్కర్ నటించిన 'ఓకే బంగారం' సినిమాకు తెలుగు డబ్బింగ్ చెప్పింది తనేనంటూ నాని ఈ వేదికపై గుర్తుచేసుకున్నారు.