'కేజీయఫ్' నటుడు బీఎస్ అవినాష్ కారు ప్రమాదానికి గురయ్యారు. బుధవారం ఉదయం బెంగళూరులోని అనిల్ కుంబ్లే సర్కిల్ వద్ద ఆయన కారును వేగంగా వస్తున్న ట్రక్కు ఢీకొట్టింది. అయితే అదృష్టవశాత్తు ఆయన ప్రాణాలతో సురక్షితంగా బయటపడ్డారు. ఈ విషయాన్ని ఫేస్బుక్ వేదికగా వెల్లడించారు అవినాష్.
'కేజీయఫ్' నటుడికి కారు ప్రమాదం.. వేగంగా వస్తున్న ట్రక్కు ఢీకొని..
తన జీవితంలోనే అత్యంత భయానక పరిస్థితిని అనుభవించినట్లు తెలిపారు కన్నడ నటుడు బీఎస్ అవినాష్. రాకింగ్ స్టార్ యశ్ నటించిన 'కేజీయఫ్' చిత్రంతో ఆయన గుర్తింపు తెచ్చుకున్నారు. బుధవారం ఉదయం అవినాష్ కారు ప్రమాదానికి గురయ్యారు. ఈ విషయాన్ని సామాజిక మాధ్యమాల ద్వారా వెల్లడించారు.
B S Avinash
'కేజీయఫ్'లో ఆండ్రూ పాత్రతో మంచి గుర్తింపు తెచ్చుకున్నారు అవినాష్. బుధవారం ఉదయం జిమ్కు వెళ్తుండగా.. ఈ ప్రమాదం జరిగినట్లు ఆయన తెలిపారు. గ్రీన్ సిగ్నల్ పడగానే తన కారును ముందుకు పోనిస్తుండగా.. రెడ్ సిగ్నల్ను అతిక్రమిస్తూ ఓ ట్రక్కు వచ్చి ఢీకొట్టింది. ఈ ప్రమాదంలో కారుకు మాత్రమే నష్టం జరిగినట్లు 'ఆండ్రూ' తెలిపారు. ట్రక్కు డ్రైవర్ను పోలీసులు అదుపులోకి తీసుకున్నట్లు సమాచారం.
ఇదీ చూడండి:పోలీసులను ఆశ్రయించిన సీనియర్ నటి పవిత్ర