మరోసారి అల్లు అర్జున్​ దాతృత్వం.. ఈ సారి తన డ్రైవర్​ కోసం ఏకంగా..

ఐకాన్​ స్టార్ అల్లు అర్జున్​కు సంబంధించిన మరో విషయం బయటకు వచ్చింది. ఇటీవలే కేరళకు చెందిన ఓ నర్సు విద్యార్థిని చదివించేందుకు ముందుకొచ్చిన ఆయన.. ఇప్పుడు తన డ్రైవర్​కు అండగా నిలిచి ఆర్థిక సాయం చేశారు.

ఐకాన్ స్టార్ అల్లు అర్జున్ మరోసారి తన గొప్ప మనసు చాటుకుటున్నారు. పుష్ప సినిమాతో ఇప్పటివరకు వరుసగా అవార్డులు సొంతం చేసుకున్న బన్నీ.. ఇప్పుడు సేవా కార్యక్రమాలతో ప్రేక్షకుల హృదయాల్ని గెలుచుకుంటున్నారు. ఇటీవలే కేరళకు చెందిన ఓ నర్సు విద్యార్థిని చదివించేందుకు ముందుకొచ్చిన ఆయన.. ఇప్పుడు తన డ్రైవర్​కు అండగా నిలిచారు.

వరంగల్​కు చెందిన మహిపాల్ అనే వ్యక్తి.. బన్నీ దగ్గర పదేళ్ల నుంచి డ్రైవర్​గా పనిచేస్తున్నారు. ఆయన బోరబండలో ఇల్లు కట్టుకున్నారు. ఆ ఇంటి నిర్మాణానికి తన వంతు సాయంగా అల్లు అర్జున్ రూ.15 లక్షలు అందజేశారు. ఈ విషయాన్ని చెబుతూ డ్రైవర్ ఫ్యామిలీతో బన్నీ తీసుకున్న ఫొటో ఒకటి వైరల్​గా మారింది. ఇక బన్నీకి తన డ్రైవర్ పట్ల ఉన్న అభిమానం, బాధ్యతను చూసిన అతడి ఫ్యాన్స్ తెగ ఆనందపడిపోతున్నారు.

కాగా, అల్లు అర్జున్ చేసిన మరో మంచిపని కూడా తాజాగా వెలుగులోకి వచ్చిన సంగతి తెలిసిందే. కేరళకు చెందిన ఓ ముస్లిం నర్సింగ్​ విద్యార్థికి బన్నీ అర్థిక సాయం అందజేస్తున్నట్లు అలెప్పీ జిల్లా కలెక్టర్ వీఆర్ కృష్ణతేజ సోషల్ మీడియా ద్వారా బయటపెట్టారు. అలెప్పీకి చెందిన ఆ విద్యార్థిని బీఎస్సీ నర్సింగ్ ఎంట్రన్స్ పరీక్షలో మంచి ర్యాంక్ తెచ్చుకుంది. కానీ ఆర్థిక పరిస్థితి బాగోలేకపోవడం వల్ల ఈ విషయాన్ని కలెక్టర్ దృష్టికి తీసుకెళ్లగా, ఆయన అల్లు అర్జున్​కు తెలియజేశారు. దీంతో బన్నీ.. ఆమెకు మూడేళ్ల పాటు కాలేజీ ఫీజు, హాస్టల్ ఫీజు చెల్లిస్తానని హామీ ఇచ్చారు. ఇలా రోజుల వ్యవధిలో అల్లు అర్జున్ చేసిన మంచి పనులు చూసి ఫ్యాన్స్ సంబరపడిపోతున్నారు.

ఇదీ చూడండి:వర్షతో సుధీర్ రొమాన్స్​.. చిర్రెత్తిపోయిన ఇమ్మూ.. రష్మి ఏం చేస్తుందో?