Yash Pan Masala Advertisement: కన్నడ రాకింగ్ స్టార్ యశ్ నటించిన 'కేజీయఫ్-2'.. ఇంకా బాక్సాఫీస్‌ వద్ద వసూళ్ల సునామీని కొనసాగిస్తూనే ఉంది. రాఖీభాయ్‌గా స్టైల్, యాక్షన్‌తో అద్భుతంగా డైలాగ్స్‌ చెప్పి సినీ ప్రియుల్ని ఎంతగానో ఆకట్టుకున్నారు యశ్. ఈ సినిమా సాధించిన విజయంతో ఆయన పాన్ ఇండియా స్టార్ అయిపోయారు. దీంతో యశ్ ఇమేజ్ను పలు సంస్థలు క్యాష్ చేసుకోవాలని భావిస్తున్నాయి. రూ.కోట్లు కుమ్మరించి తమ కంపెనీలకు బ్రాండ్ అంబాసిడర్గా నియమించుకునేందుకు ప్రయత్నాలు చేస్తున్నాయి. అయితే ఈ క్రమంలోనే తనకు ఓ సంస్థ ఇచ్చిన బడా ఆఫర్ను యశ్ సున్నితంగా తిరస్కరించారని తెలిసింది.
అల్లుఅర్జున్ బాటలో యశ్.. ఆ యాడ్కు నో.. ఫ్యాన్స్ ఖుష్!
కోట్ల రూపాయలు రెమ్యునరేషన్ ఇస్తానని ఆఫర్ చేసినా హీరో యశ్ మాత్రం ఓ యాడ్లో నటించేందుకు నిరాకరించారు. తన వల్ల ఎవరూ ఇబ్బంది పడకూడదని ఆలోచించారు. అంతకుముందు హీరో అల్లుఅర్జున్ కూడా ఇదే పని చేశారు. ఇంతకీ ఆ ప్రకటన ఏంటంటే?
యశ్ పాన్ మసాలా
ఈ మధ్య కాలంలో పాన్ మసాలా యాడ్స్ గురించి వివాదం జరుగుతున్న సంగతి తెలిసిందే. దీన్ని ప్రమోట్ చేస్తున్న స్టార్ హీరోలను సోషల్మీడియాలో ట్రోలింగ్ చేస్తూ నెటిజన్లు మండుతున్నారు. దీంతో ఆయా హీరోలు పాన్ మాసాలా ప్రకటనల నుంచి తప్పుకుంటున్నారు. సామాజిక మాధ్యమాల వేదికగా క్షమాపణలు చెబుతున్నారు. అయితే ఈ క్రమంలోనే తమ కంపెనీకి బ్రాండ్ అంబాసిడర్గా వ్యవహరించాలంటూ సదరు సంస్థ యశ్ను సంప్రదించిందట! కోట్ల రూపాయలు ఇస్తామని ఆఫర్ కూడా ఇచ్చారని తెలిసింది. అయినా యశ్ మాత్రం ఆ అవకాశాన్ని సున్నితంగా తిరస్కరించారని నటుడి ప్రతినిధి తెలిపారు. అంతకుముందు పుష్ప సినిమాతో పాన్ ఇండియా క్రేజ్ సంపాదించుకున్న అల్లుఅర్జున్ను కూడా సదరు కంపెనీ సంప్రదించిందని, అయితే బన్నీ కూడా ఆ ఆఫర్ను తిరస్కరించారని కథనాలు వచ్చాయి. కాగా, ఇప్పటికే అమితాబ్, జాన్ అబ్రహాం, సన్నీలియోనీ, అక్షయ్కుమార్ వంటి ప్రముఖులు పాన్ మసాలా సంస్థల నుంచి తప్పుకున్నారు.
ఇదీ చూడండి: 'కేజీయఫ్ 2' @1000కోట్లు.. 'ఆచార్య' తొలి రోజు వసూళ్లు ఎంతంటే?