'ఓ మై బేబీ' సాంగ్ ప్రోమో ఔట్- ట్రెండింగ్​లో గుంటూరు కారం మెలోడీ

Guntur Karam Second Song Promo : సూపర్​స్టార్ మహేశ్ బాబు - త్రివిక్రమ్​ కాంబోలో తెరకెక్కుతున్న 'గుంటూర్ కారం' నుంచి సాంగ్ ప్రోమో రిలీజైంది. మీరు ప్రోమో చూశారా?

Guntur Karam Second Song Promo: సూపర్​స్టార్ మహేశ్ బాబు - శ్రీలీల లీడ్​ రోల్స్​లో తెరకెక్కుతున్న చిత్రం 'గుంటూరు కారం'. మాటల మాంత్రికుడు త్రివిక్రమ్​ ఈ సినిమాకు దర్శకత్వం వహిస్తున్న విషయం తెలిసిందే. అయితే ఈ సినిమా నుంచి తాజాగా ఓ అప్డేట్ వచ్చింది. 'ఓ మై బేబీ' అనే సాంగ్ ప్రోమోను మూవీటీమ్ సోమవారం (డిసెంబర్ 11) రిలీజ్ చేసింది. ఇక పూర్తి పాటను బుధవారం (డిసెంబర్ 13)న విడుదల చేయనున్నట్లు చిత్రబృందం తెలిపింది.

అయితే సినిమాను కమర్షియల్​ గానే కాకుండా, మ్యూజికల్​గా కూడా హిట్ చేసేందుకు మూవీటీమ్ ప్రత్యేక శ్రద్ధ తీసుకుంది. అందులో భాగంగానే గతనెల ఫస్ట్ సాంగ్ (దమ్ మసాలా)​ను రిలీజ్ చేసిన మూవీయూనిట్, తాజాగా రెండో పాటకు సంబంధించిన ప్రోమోను విడుదల చేసింది. ఇక మ్యూజిక్ సంచలనం ఎస్ ఎస్ తమన్ ఈ సినిమాకు సంగీతం అందిస్తున్నారు. వీరిద్దరి కాంబోలో ఇప్పటికే 'దూకుడు', 'బిజినెస్​మేన్', 'ఆగడు' సినిమా సాంగ్స్ సూపర్​హిట్​గా నిలిచాయి.

Guntur Karam Musical Update : మ్యూజిక్ డైరెక్టర్ తమన్, ఈ చిత్రంలో మొత్తంగా 4 నుంచి 5 పాటలు, రెండు థీమ్స్ సాంగ్స్ ఉండేలా చూసుకుంటున్నారట. రెండు మెయిన్ సాంగ్స్, ఓ థీమ్ సాంగ్, ఓ డ్యూయెట్ సాంగ్ ఉండేలా ప్లాన్ చేస్తున్నట్లు తెలుస్తోంది. ఇక ఇందులో, మహేశ్ బాబు క్యారెక్టరైజేషన్​ను ఎలివేట్ చేసేలా ఓ పాట ఉండేలా చూసుకుంటున్నారట.

Guntur Kaaram Cast : ఈ సినిమాలో శ్రీలీలతోపాటు నటి మీనాక్షి చౌదరీ కీలక పాత్ర పోషిస్తోంది. సీనియర్ నటులు జగపతిబాబు, రమ్యకృష్ణ, బ్రహ్మానందం, ప్రకాశ్ రాజ్, సునీల్, ముకేష్ రిషీ, రఘు బాబు, ఆశీష్ విద్యార్థి తదితరులు నటిస్తున్నారు. హారిక అండ్ హసిన్ క్రియేషన్స్​ బ్యానర్​పై యస్ రాధాకృష్ణ, సూర్యదేవర నాగవంశీ రూపొందిస్తున్నారు. ఇక షూటింగ్ పనులు స్పీడ్​గా పూర్తిచేసి 2024 సంక్రాంతి కానుకగా జనవరి 12న గ్రాండ్ విడుదల చేసేందుకు మూవీటీమ్ ప్రయత్నాలు చేస్తోంది.