Tollywood Movies In Summer 2024 : రానున్న వేసవి కాలంలో చల్లదనాన్ని ఇచ్చేందుకు పాన్ ఇండియా సినిమాలు రెడీ అవుతున్నాయి. ఇందులో భాగంగా బాక్సాఫీస్ బరిలోకి తమ సత్తాను చాటేందుకు రెబల్ స్టార్ ప్రభాస్, మెగా పవర్స్టార్ రామ్ చరణ్, యంగ్ టైగర్ జూనియర్ ఎన్టీఆర్, ఐకాన్ స్టార్ అల్లు అర్జున్ ముందుకొచ్చారు. ఇప్పటికే తమ నటనతో పాన్ ఇండియా లెవెల్లో స్టార్డం తెచ్చుకున్న ఈ హీరోలు.. ఈ సారి మరిన్ని కొత్త సినిమాలతో బక్సాఫీస్ బద్దలు కొట్టేందుకు రెడీ అవుతున్నారు. దాదపు రెండు, మూడు వారాల గ్యాప్‌లోనే తమ సినిమాల విడుదల చేసేందుకు సన్నాహాలు చేస్తున్నారు.
Ram Charan Game Changer Movie : 'ఆర్ఆర్ఆర్' తర్వాత మెగా పవర్స్టార్ రామ్ చరణ్.. శంకర్ దర్శకత్వంలో తెరకెక్కుతున్న 'గేమ్ ఛేంజర్' సినిమాలో నటిస్తున్నారు. ఇండియాతో పాటు ఫారిన్లోనూ పలు లొకేషన్లలో శరవేగంగా షూటింగ్ జరుపుకుంటున్న ఈ సినిమా వచ్చే ఏడాది విడుదల చేసే సన్నాహాలు చేస్తున్నారు మేకర్స్. అయితే రిలీజ్ డేట్పై ఇప్పటివరకు క్లారిటీ లేనప్పటికీ.. 2024 మార్చి రెండు లేదా మూడో వారంలో విడుదలయ్యే సూచనలు కనిపిస్తున్నాయి.
Jr NTR Devara Movie : మరోవైపు యంగ్ టైగర్ ఎన్టీఆర్, కొరటాల శివ కాంబోలో రూపొందుతున్న 'దేవర' సినిమా ఏప్రిల్ 5న విడుదల కానుంది. అయితే ఈ సినిమా సెట్స్ మీదకి వెళ్లకముందే రిలీజ్ డేట్ను ఖరారు చేసిన మూవీ మేకర్స్ ఇప్పటికీ అదే రోజు విడుదల చేసేందుకు రెడీగా ఉన్నారు.