బ‌రేలీ టు బాలీవుడ్​- పైలట్​ అవ్వాలని యాక్టర్​గా మారి సూపర్ క్రేజ్!

Disha Patani Career Story: ఓ డీఎస్పీ కూమార్తె, ఎయిర్ ఫోర్స్​లో పైల‌ట్ అవ్వాల‌నుకుంది. అందుకోసం చ‌దువు కూడా వ‌దిలిపెట్టింది. కానీ చివ‌రికి హీరోయిన్ అయింది. ఆమెనే దిశా పటానీ. మరి ఆమె స్టోరీ ఏంటంటే?

Disha Patani Career Story:చాలా మంది న‌టులు డాక్ట‌ర్ కాబోయి, యాక్ట‌ర్ అయ్యాను అని అంటుంటారు. కానీ దిశా పటాని మాత్రం పైల‌ట్ అవ్వాల‌నుకుని న‌టిగా స్థిర‌ప‌డింది. ఆమె ఒక డీఎస్పీ కూతురు, పైగా మ‌ధ్యలోనే చ‌దువు కూడా వ‌దిలేసింది. మరి ఆమె కెరీర్​ స్టోరీ ఏంటంటే?

సోషల్ మీడియాలో అత్యధిక ఫాలోయింగ్ ఉన్న సెలబ్రిటీల్లో దిశా పటాని ఒకరు. ఆమెకు ఇన్‌స్టాగ్రామ్‌లో ఏకంగా 58.7 మిలియన్ల మంది ఫాలోవర్స్ ఉన్నారు. గ్లామ‌ర‌స్ ఫొటో షూట్స్ అన్నా మెస్మ‌రైజింగ్ డ్రెస్సుల గురించి మాట్లాడినా అందులో ఆమె ప్ర‌స్తావ‌న త‌ప్ప‌క ఉంటుంది. బాగీ - 2, MS ధోని: ది అన్‌టోల్డ్ స్టోరీ, మలంగ్ లాంటి హిట్ సినిమాల్లో న‌టించి ఇప్ప‌టికే త‌నేంటో నిరూపించుకుని బాలీవుడ్​లో భారీ డిమాండ్ ఉన్న హీరోయిన్ల‌లో ఒక‌రిగా నిలిచింది. అయితే ఆమె సినీ జర్నీ గురించి కొందరికి మాత్రమే తెలుసు.

1992 జూన్ 13న ఉత్తర్ ప్రదేశ్‌లోని బరేలీలో జగదీష్ సింగ్ పటానీ - పద్మా పటానీ దంప‌తుల‌కు దిశా ప‌టాని జన్మించింది. తండ్రి మాజీ DSP (డిప్యూటీ సూపరింటెండెంట్ ఆఫ్ పోలీస్), తల్లి హెల్త్ ఇన్‌స్పెక్టర్‌. ఒక చ‌దువు విష‌యానికి వ‌స్తే పాఠ‌శాల విద్య బరేలీలో పూర్తి చేసింది. తర్వాత, ల‌ఖ్​న‌వూ లోని అమిటీ యూనివర్శిటీలో ఇంజినీరింగ్ జాయిన్ అయింది.

కానీ, త‌న‌కు ఇష్ట‌మైన మోడ‌లింగ్ కోసం సెకండ్ ఇయర్​ మ‌ధ్య‌లోనే చ‌దువు ఆపేసింది. అయితే న‌టి కావాల‌ని మొద‌ట్లో అనుకోలేదు. ఆమె స్కూల్​లో ఉన్న‌ప్పుడే ఎయిర్ ఫోర్స్ పైలట్ కావాలని కోరుకుంది. ఆ క‌ల‌ను నెరవేర్చుకోవడానికే అమిటీ యూనివర్సిటీలో ఇంజినీరింగ్ లో చేరింది. ఆమె మోడ‌లింగ్​లోకి ఎలా వ‌చ్చింద‌నే విష‌యం తెలిస్తే నిజంగా ఆశ్చర్యపోవడం ఖాయం.

ఆమె 2013లో యూనివ‌ర్సిటీలో ఉన్న‌ప్పుడు స్నేహితుల్లో ఒక‌రు మోడిలింగ్ పోటీల గురించి చెప్పారు. వెంట‌నే ఆమె ఆ మోడలింగ్​ అప్లికేష‌న్ ఫిల్ చేసింది. కానీ, అప్లై చేసింది మోడ‌ల్ కావాల‌నే కోరిక‌తో కాదు. ఆ పోటీ ముంబ‌యిలో జ‌రుగుతుందని తెలిసి ముంబ‌యి న‌గ‌రాన్ని చూడాల‌నే ఉత్సాహంతోనే దిశా దానికి అప్లై చేసింది. అయితే పోటీల్లో పాల్గొన్న‌ప్పుడు ఆమె జ‌డ్జిల దృష్టిని ఆక‌ర్షించి ఏజెన్సీ నుంచి ఆఫ‌ర్ కూడా పొందింది. దానికి ఆమె ఒప్పుకుని ముంబ‌యిలోనే మోడల్‌గా పని చేయడం ప్రారంభించింది.

కానీ, దీని వ‌ల్ల ఆమె కాలేజీకి వెళ్ల‌లేక‌పోయేది. అటెండెన్స్ ప‌ర్సంటెజీ బాగా ప‌డిపోవ‌డం వల్ల ఆలోచ‌న‌లో ప‌డింది. చ‌దువు ఆపేయాల‌ని నిర్ణయం తీసుకుంది. వెంటనే చదువు మానేసింది. సొంతంగా సంపాదించ‌డం, త‌ల్లిదండ్రుల మీద ఆధార‌ప‌డ‌కుండా ఉండ‌టం కోసం మోడ‌లింగ్ మీద దృష్టి పెట్టింది.

Disha Patani Movies: 2015లో 'లోఫర్' సినిమాతో తెలుగు చిత్ర పరిశ్రమలో తన నటనతో తన ప్రయాణాన్ని ప్రారంభించింది. తరువాత టైగర్ ష్రాఫ్‌తో కలిసి న‌టించిన 'బెఫిక్రా' అనే పాటతో బాలీవుడ్ ప్రేక్షకులకు పరిచయమైంది. ఆ చిత్ర నిర్మాత నీర‌జ్ పాండే ఆమెను MS ధోని - ది అన్‌టోల్డ్ స్టోరీ చిత్రంలో న‌టింప‌జేశాడు. ఇది భారీ హిట్ సాధించింది. ఈ సినిమాతో ఆమె 'నేషనల్ క్రష్ ఆఫ్ ఇండియా' అనే గుర్తింపు ద‌క్కించుకుంది. ఆ త‌ర్వాత సినిమా ఛాన్సులు ఆమెకు వ‌రుస‌క‌ట్టాయి.