Dhoni Gift To Nithin : 'దిల్', 'జయం' వంటి ఫ్యామిలీ సినిమాలతో మంచి పేరు తెచ్చుకున్నారు టాలీవుడ్ యంగ్ హీరో నితిన్. అడపాదడపా సినిమాలు చేస్తూ 2020లో 'భీష్మ' సినిమాతో తెలుగు ఆడియెన్స్ను ఆకట్టుకున్నారు. ఈ మూవీని ప్రేక్షకులు బాగానే రిసీవ్ చేసుకున్నారు. దీంతో వరుసపెట్టి 2021లో ఏకంగా మూడు సినిమాలను తెరక్కెక్కించారు నితిన్. ఒకటి 'చెక్', రెండోది 'రంగ్ దే' కాగా.. మరొకటి మ్యాస్ట్రో. అయితే ఈ మూడు సినిమాలు బాక్సాఫీస్ వద్ద ఆశించిన స్థాయిలో టాక్ అందుకోలేకపోయాయి. ఇక 2022లో 'మాచర్ల నియోజకవర్గం' సినిమా కూడా ఆడియెన్స్ను నిరాశపరిచింది.
అయితే తాజాగా ఈ స్టార్ హీరో.. ఎక్స్ట్రాడినరీ మ్యాన్ అనే సినిమాలో నటిస్తున్నారు. ఈ నేపథ్యంలో ప్రస్తుతం నితిన్ ఈ సినిమా పనుల్లో బిజీగా ఉన్నారు. ఇదిలా ఉంటే హీరో నితిన్కు ఓ స్పెషల్ గిఫ్ట్ పంపించారు భారత క్రికెట్ మాజీ సారథి ఎం.ఎస్ ధోనీ. 'బెస్ట్ విషెస్ నితిన్' అని తన ఆటోగ్రాఫ్తో ఉన్న టీ-షర్ట్ను బహుమతిగా ఇచ్చారు. ఈ విషయాన్ని నితిన్ తన సోషల్ మీడియా అకౌంట్ ద్వారా షేర్ చేశారు. 'ఎక్స్ట్రాఆర్డినరీ వ్యక్తి నుంచి ఎక్స్ట్రాఆర్డినరీ గిఫ్ట్' అంటూ దానికి క్యాప్షన్ను జోడించారు. ఇక 'థ్యాంక్యూ ఎం.ఎస్ ధోనీ సర్ ఫర్ దిస్.. లవ్ యూ' అంటూ ఎక్స్లో ట్వీట్ చేశారు.
Extraordinary Man Movie Cast : ఇక ఎక్స్ట్రాడనరీ సినిమా విషయానికి వస్తే.. వక్కంతం వంశీ తెరకెక్కించిన ఈ చిత్రంలో నితిన్కు జంటగా 'పెళ్లి సందడి' ఫేమ్, యంగ్ బ్యూటీ శ్రీలీల నటించారు. సుధాకర్‌ రెడ్డి, నికితా రెడ్డి ఈ సినిమాను సంయుక్తంగా నిర్మించారు. హ్యారిస్ జయరాజ్ ఈ మూవీకి సంగీతాన్ని అందిస్తున్నారు. ఇప్పటికే రిలీజైన ఈ సినిమా ట్రైలర్కు అభిమానులు నుంచి అద్భుతమైన రెస్పాన్స్ లభిస్తోంది. కాగా, ఈ సినిమా డిసెంబర్ 8న ప్రేక్షకుల ముందుకు రానుంది.