Chiranjeevi voiceover Bramhastra: 'బ్రహ్మాస్త్ర'.. సినీ ప్రేమికులు ఆసక్తిగా ఎదురుచూస్తున్న చిత్రం. సెప్టెంబరు 9 విడుదల కానున్న ఈ చిత్రంలో రణ్‌బీర్‌కపూర్‌, అలియా భట్‌ నాయకానాయికలు. అయాన్‌ ముఖర్జీ తెరకెక్కిస్తున్న ఈ సినిమాను దక్షిణ భారతదేశంలో ప్రముఖ దర్శకుడు ఎస్.ఎస్. రాజమౌళి విడుదల చేస్తున్నారు. ఇందులో బిగ్‌బీ అమితాబ్‌ కీలక పాత్ర పోషిస్తుండగా.. నాగార్జున అక్కినేని, మౌనీ రాయ్‌ ఇతర ముఖ్య పాత్రల్లో కనిపిస్తారు. అయితే మూవీటీమ్ తాజాగా ఓ సూపర్ అప్డేట్ ఇచ్చింది. ఈ చిత్రానికి మెగాస్టార్ చిరంజీవి తన గాత్రాన్ని అందించనున్నారు. వాయిస్ ఓవర్ చెప్పనున్నారు. ఓ స్పెషల్ వీడియోను రిలీజ్ చేసింది. దీంతో పాటే జున్ 15 ట్రైలర్ విడుదల చేయనున్నట్లు తెలిపింది.
Saidharam tej new movie: 'రిపబ్లిక్' తర్వాత హీరో సాయిధరమ్ తేజ్... దర్శకుడు సుకుమార్, బాబీ నిర్మాణంలో ఓ కొత్త సినిమా చేస్తున్నట్లు ప్రకటించారు. మిస్టిక్ థ్రిల్లర్ కథాంశంతో రూపొందనున్న ఈ సినిమాకు కార్తీక్ దుండు దర్శకుడు. తాజాగా ఈ సినిమా వర్కింట్ టైటిల్ 'ఎస్డీటీ 15' పేరుతో ఓ కొత్త పోస్టర్ను రిలీజ్ చేసింది. డార్క్మోడ్లో ఉన్న ఈ పోస్టర్లో.. చీకటిగా ఉన్న ఓ దట్టమైన అడవి మధ్యలో తేజ్ కొంతమందితో ఏదో మాట్లాడుతున్నట్లుగా కనిపించారు. ఇది సినిమాపై ఆసక్తిని పెంచేలా ఉంది.