ప్రముఖ దర్శకుడు కొరటాల శివ - జూనియర్ ఎన్టీఆర్ కాంబోలో తెరెకెక్కుతున్న 'ఎన్టీఆర్ 30' ఇటీవలే తన తొలి షెడ్యూల్ ముగించుకుని రెండో షెడ్యూల్లోకి అడుగుపెట్టింది. ఈ క్రమంలో ఇప్పటికే హైదరాబాద్లో ఏర్పాటు చేసిన ప్రత్యేక సెట్స్లోకి ఎంట్రీ ఇచ్చారు. ఈ క్రమంలో మంగళవారం మొదలైన చిత్రీకరణ కోసం బాలీవుడ్ స్టార్ హీరో సైఫ్ అలీ ఖాన్ హైదరాబాద్ విచ్చేశారు. అలా షూటింగ్ స్పాట్లో సైఫ్ కనిపించి సందడి చేశారు. ఈ విషయాన్ని నిర్మాణ సంస్థ ఎన్టీఆర్ ఆర్ట్స్ ఓ ట్వీట్ ద్వారా వెల్లడించింది. సెట్స్లో కొరటాల శివ, ఎన్టీఆర్లతో పాటు సైఫ్ సరదాగా ముచ్చటిస్తున్న ఫొటోలు ప్రస్తుతం సోషల్ మీడియాలో ట్రెండ్ అవుతున్నాయి.
'ఎన్టీఆర్ 30' విలన్గా సైఫ్ అలీ ఖాన్! హైఓల్టేజ్ షూటింగ్ షురూ!
బాలీవుడ్ స్టార్ నటుడు సైఫ్ అలీ ఖాన్.. ఎన్టీఆర్ 30 ప్రాజెక్టులోకి ఎంట్రీ ఇచ్చారు. మంగళవారం ప్రారంభమైన రెండో షెడ్యూల్ సెట్స్లో ఆయవ కనిపించారు. ఈ సినిమా షూటింగ్లో సైఫ్ చేరికతో అభిమానుల్లో అంచనాలు మరింత పెరిగాయి.
saif joins with ntr30
సెట్స్లో అడుగుపెట్టిన జాన్వీ కపూర్..
మంగళవారం మొదలైన రెండో షెడ్యూల్లో బాలీవుడ్ స్టార్ హీరో సైఫ్తో పాటు బీ టౌన్ ముద్దుగుమ్మ జాన్వీ కపూర్ కూడా ఎంట్రీ ఇచ్చినట్టు సమాచారం. ఇటీవలే హైదరాబాద్ విమానాశ్రయంలో కనిపించిన ఈ తార సోమవారమే సినిమా సెట్స్లోకి అడుగుపెట్టిందట. ఇందులో విశేషం ఏంటంటే..సైఫ్తో పాటు జాన్వీకి తెలుగులో ఇదే తొలి స్ట్రెయిట్ సినిమా.
ఇక సినిమా విషయానికి వస్తే.. జనతా గ్యారేజీ తర్వాత కొరటాల-ఎన్టీఆర్.. 'ఎన్టీఆర్ 30' సినిమా కోసం చేతులు కలిపారు. వీరిద్దరి కాంబోలో ఇదివరకే ఓ సినిమా హిట్ కావడం వల్ల ఈ సినిమాపై అభిమానులకు భారీ అంచనాలే ఏర్పడ్డాయి. అంతే కాకుండా జాన్వీ, సైఫ్ లాంటి స్టార్స్ కీలక పాత్రలు పోషిస్తున్నందున ఆ అంచనాలు ఇంకాస్త పెరిగాయి. ఇక ఈ సినిమా కోసం హాలీవుడ్కు చెందిన స్టంట్ సూపర్వైజర్స్, వీఎఫఎక్స్ టీమ్ పని చేయడం విశేషం. మరోవైపు ఈ చిత్రాన్ని పాన్ ఇండియా స్థాయిలో రూపొందించనున్నట్లు చిత్ర బృందం ఇప్పటికే స్పష్టం చేసింది. భారీ బడ్జెట్తో తెరకెక్కుతున్న ఈ సినిమా కోసం అనిరుద్ రవిచందర్ సంగీతం అందిస్తుండగా.. కెమెరా బాధ్యతలను ఆర్ రత్నవేలు తీసుకున్నారు. ఇక ఈ సినిమా కోసం శ్రీకర్ ప్రసాద్ ఎడిటర్‌గా వ్యవహరిస్తున్నారు.