Bhagavanth Kesari Villain Arjun Rampal : అఖండ, వీరసింహారెడ్డి చిత్రాలతో బ్యాక్ టు బ్యాక్ సక్సెస్లను అందుకుని ఫుల్ జోష్ మీదున్నారు గాడ్ ఆఫ్ మాసెస్, నట సింహం నందమూరి బాలకృష్ణ.. ప్రస్తుతం భగవంత్ కేసరిలో నటిస్తున్న సంగతి తెలిసిందే. ఈ చిత్ర షూటింగ్ చివరి దశకు చేరుకుంది. అలాగే రిలీజ్కు రెడీ అవుతోంది. అయితే ఈ చిత్రంలో బాలీవుడ్ యాక్టర్ అర్జున్ రాంపాల్ పవర్ఫుల్ విలన్గా నటిస్తున్న సంగతి తెలిసిందే. అయితే తాజాగా ఆయనకు పాత్రకు సంబంధించిన చిత్రీకరణ పూర్తైంది. ఈ విషయాన్ని ఆయన తెలుపుతూ సోషల్మీడియాలో బాలయ్య, అనిల్ రావిపూడితో దిగిన ఫొటోలను షేర్ చేశారు. సినిమాతో అలాగే బాలయ్యతో తనకున్న అనుబంధాన్ని తెలిపారు.
"భగవంత్ కేసరిలో నా పాత్రకు సంబంధించిన చిత్రీకరణ పూర్తైంది. ఇక్కడికి వచ్చినప్పుడు నా తొలి తెలుగు సినిమా కావడం వల్ల కాస్త నెర్వస్గా ఫీలయ్యాను. ఇప్పుడు కాన్ఫిడెంట్గా చెప్పగలను ఈ చిత్రం బ్లాస్ అవుతుంది. నా బిగ్ బ్రదర్ బాలయ్య లేకపోతే ఇది అస్సలు సాధ్యమయ్యేదే కాదు. మీ అమేజింగ్ ఎనర్జీ, ప్రేమకు కృతజ్ఞతలు. ఇక నా చిన్న తమ్ముడులాంటి అనిల్ రావిపూడికి కూడా ధన్యవాదాలు. నువ్వు ఎంతో క్రేజీ, కూల్ అండ్ సూపర్ టాలెంటెడ్. ఇక ఇక్కడ నా జర్నీ, లైఫ్ను సాఫీగా సాగేలా చేసిన నా చిన్న తమ్ముడు లాంటి యంగ్ ప్రొడ్యూసర్ సాహూకు కూడా కృతజ్ఞతలు. మొత్తంగా భగవంత్ కేసరి టీమ్ చూపించిన సహనం, ప్రేమ, మద్దతుకు కృతజ్ఞుతుడిని. మూవీటీమ్కు బైబై. 19 అక్టోబర్ 2023 సినిమాలో కలుద్దాం." అని అర్జున్ రాంపాల్ రాసుకొచ్చారు.
Bhagavanth Kesari Villain :అంతకుముందు ఈ సినిమా ప్రారంభంలో ఇక్కడికి వచ్చినప్పుడు అర్జున్ రాంపాల్ తెలుగులో బాలయ్య ఫేమస్ డైలాగ్ను చెప్పి ఆకట్టుకున్నారు. 'ఫ్లూట్ జింక ముందు ఊదు. సింహం ముందు కాదు'.. అంటూ అన్నారు. అలాగే.. ఈ చిత్రంలో మంచి డైలాగులు కూడా ఉన్నాయని పేర్కొన్నారు. సినిమాలో తనకు ఛాన్స్ ఇచ్చినందుకు బాలయ్యకు స్పెషల్ థాంక్స్ అంటూ నమస్కారం కూడా పెట్టారు.