Bhagavanth Kesari Trailer : 'గ్రౌండ్ ఫ్లోర్ బలిసిందా బే'.. భగవంత్ కేసరి సినిమాలో ప్రతినాయకుడికి బాలయ్య ఇచ్చిన మాస్ వార్నింగ్ ఇది. మరి నిజ జీవితంలో బాలయ్యకు అలాంటి వార్నింగ్ ఎవరైనా ఇస్తే ఎలా ఉంటుంది? అదే ఆయన కన్నకొడుకు స్వయంగా అలా అంటే? అవును అదే జరిగింది. 'నీకు గ్రౌండ్ ఫ్లోర్ బలిసిందా నాన్నా' అని మోక్షజ్ఞ అన్నాడట. స్వయంగా ఈ విషయాన్ని బాలకృష్ణ.. భగవంత్ కేసరి ట్రైలర్ లాంఛ్ ఈవెంట్లో చెప్పుకొచ్చారు.
"ఇద్దరం కలిసి నటించాం సరే. నువ్వు చిచ్చా, చిచ్చా అంటూ నన్ను టార్చర్ పెట్టావ్. నెక్ట్స్ సినిమాలో మనం హీరోహీరోయిన్లుగా నటిద్దామని చెప్పాను. ఇదే మాట ఇంటికెళ్లి మా ఫ్యామిలీతో చెప్పాను. అంతే నా కొడుకు మోక్షజ్ఞకు కోపమొచ్చింది. ఏం డాడీ, నేను కుర్ర హీరోగా రాబోతున్నాను. నువ్వు ఆవిడకు ఆఫర్ ఇస్తానంటావేంటి? నీకు గ్రౌండ్ ఫ్లోర్ బలిసిందా డాడీ అన్నాడు. నాకు అర్థంకాలేదు కాసేపు. నన్ను అంత మాట అనేసరికి అర్థంకాలేదు." అని బాలయ్య.. తన కొడుకు, తనకు వార్నింగ్ ఇచ్చిన సంగతి స్టేజ్పైన బయటపెట్టారు. ఇక ఈ మాటలు విన్న అభిమానులు అందరూ తెగ నవ్వుకున్నారు.
కాగా,తాజాగా విడుదలైనఆ ప్రచార చిత్రం ఆద్యంతం ఎంతో పవర్ ఫుల్గా సాగింది. సినిమాలో మాస్, యాక్షన్ అంశాలతో పాటు హృదయానికి హత్తుకునే భావోద్వేగాలు ఉన్నాయని ట్రైలర్ చూస్తే అర్థమవుతోంది. బాలయ్య డైలాగ్స్, యాక్షన్ సీన్స్తో పాటు.. శ్రీలీల ఎమోషనల్ యాక్టింగ్ కూడా ఆకట్టుకునేలా ఉంది.