Bhagavanth Kesari Trailer : నందమూరి నటసింహం బాలకృష్ణ హీరోగా.. ఫన్ డైరెక్టర్ అనిల్ రావిపూడి తెరకెక్కించిన చిత్రం భగవంత్ కేసరి. 'ఐ డోంట్ కేర్' సినిమా ట్యాగ్ లైన్. యంగ్ సెన్సేషనల్ బ్యూటీ శ్రీలీల మరో ప్రధాన పాత్రలో నటిస్తోంది. యాక్షన్ థ్రిల్లర్ అండ్ ఫ్యామిలీ ఎంటర్టైనర్గా గ్రాండ్గా రానున్న ఈ సినిమా రిలీజ్ డేట్ దగ్గరపడుతోంది. దీంతో ఇప్పటికే ప్రమోషన్స్లో జోరు పెంచి అభిమానులను అదిరిపోయే కిక్ ఇస్తున్న మూవీటీమ్.. తాజాగా అదిరిపోయే బ్లాస్టింగ్ అప్డేట్ ఇచ్చింది. సినిమా ట్రైలర్ రిలీజ్ డేట్ను అనౌన్స్ చేసింది. అలానే ఓ సరికొత్త పోస్టర్ను కూడా విడుదల చేసింది.
పోస్టర్లో బాలయ్య.. కుర్చిలో గంభీరంగా కూర్చొని చేతిలో గన్ రాడ్ పట్టుకుని కనిపించారు. ఆయన వెనక.. అధికారులు మందిగా.. వెపన్స్ చేతిలో పట్టుకుని నిలబడి ఉన్నారు. జైలు ఆవరణలో ఉన్నట్లు ఈ పోస్టర్ డిజైన్ చేశారు. ట్రైలర్ను అక్టోబర్ 8న రిలీజ్ చేయబోతున్నట్లు తెలిపారు. గతంలో ఎన్నడు చూడని విధంగా.. ఊహకందని రేంజ్లో ఉంటుందని పేర్కొన్నారు.
కాగా, 'అఖండ', 'వీర సింహారెడ్డి' వంటి బ్యాక్ టు బ్యాక్ బ్లాక్ బస్టర్ హిట్స్ తర్వాత బాలయ్య నటిస్తున్న చిత్రం కావడం వల్ల భగవంత్ కేసరిపై కూడా మంచి అంచనాలు ఏర్పడ్డాయి. ఈ సినిమాతో బాలయ్య కచ్చితంగా హ్యాట్రిక్ హిట్ అందుకుంటారని అటు సినీ ప్రియులు, ఇటు అభిమానులు బలంగా ఆశిస్తున్నారు. ఇప్పటికే విడుదలైన టీజర్, సాంగ్స్తో పాటు ఇతర ప్రచార చిత్రాలకు.. ఆడియెన్స్ నుంచి మంచి ఆదరణ దక్కింది. ముఖ్యంగా తెలంగాణ యాసలో బాలయ్య చెప్పిన డైలాగ్స్, తన యాక్షన్తో అదరగొట్టేశారు.