Bhagavanth Kesari Ganesh Anthem :నందమూరి బాలకృష్ణ కాజల్ అగర్వాల్ జంటగా నటిస్తున్న చిత్రం 'భగవంత్ కేసరి'. యంగ్ బ్యూటీ శ్రీలీల సినిమాలో ప్రధాన పాత్రలో నటిస్తోంది. దర్శకుడు అనిల్ రావిపుడి ఈ సినిమాను యాక్షన్ థ్రిల్లర్ ఫ్యామిలీ ఎంటర్టైనర్గా తెరకెక్కిస్తున్నారు. అయితే శుక్రవారం ఈ సినిమా నుంచి 'గణేశ్ సాంగ్'ను మూవీ మేకర్స్ రిలీజ్ చేశారు. ప్రస్తుతం ఈ పాట నెట్టింట్లో ట్రెండింగ్లో ఉంది.
'అఖండ', 'వీర సింహారెడ్డి' బ్లాక్బస్టర్ హిట్స్ తర్వాత బాలయ్య.. భగవంత్ కేసరితో హ్యాట్రిక్ కొట్టటం పక్కా అని ఫ్యాన్స్ అంటున్నారు. ఇప్పటికే రిలీజైన టీజర్కు ప్రేక్షకుల నుంచి విశేష ఆదరణ లభించింది. తెలంగాణ యాసలో బాలయ్య అదరగొట్టేశారు అంటూ నెటిజన్లు ప్రశంసించారు. ఇక ఈ సినిమాలో స్టార్ నటుడు శరత్ కుమార్ సహా.. బాలీవుడ్ యాక్టర్ అర్జున్ రాంపాల్ ప్రధాన పాత్రల్లో నటిస్తున్నారు.
ఈ సినిమాకు సంగీత దర్శకుడు తమన్ స్వరాలు సమకూరుస్తున్నారు. సినిమాటోగ్రాఫర్గా సి. రామ్ ప్రసాద్ వ్యవహరిస్తున్నారు. ప్రముఖ నిర్మాణ సంస్థ షైన్ స్ర్రీన్స్ బ్యానర్పై.. సాహు గారపాటి, హరీష్‌ పెద్ది సంయుక్తంగా ఈ సినిమాను రూపొందిస్తున్నారు. శరవేగంగా షూటింగ్ పనులు జరుపుకుంటున్న ఈ సినిమా ప్రపంచ వ్యాప్తంగా అక్టోబర్ 17 నుంచి థియేటర్లలో సందడి చేయనుంది.