Balayya f3 movie: ప్రముఖ నటుడు బాలకృష్ణ 'ఎఫ్ 3' చిత్ర బృందాన్ని అభినందించారు. బుధవారం హైదరాబాద్లోని ఓ థియేటర్లో ఈ సినిమాను చూసిన ఆయన తన అభిప్రాయాన్ని పంచుకున్నారు. "బాలకృష్ణ 'ఎఫ్ 3'ను బాగా ఎంజాయ్‌ చేశారు. దానికి మేమెంతో సంతోషిస్తున్నాం" అని చిత్ర దర్శకుడు అనిల్‌ రావిపూడి సోషల్‌ మీడియా వేదికగా తెలిపారు. ఈ సినిమా విజయోత్సాహంలో ఉన్న దర్శకుడు అనిల్‌ తదుపరి బాలకృష్ణతో కలిసి పనిచేయనున్నారు. ఈ ఇద్దరి కాంబినేషన్‌లో ఓ యాక్షన్‌ ఎంటర్‌టైనర్‌ పట్టాలెక్కనుంది.
వెంకటేశ్‌, వరుణ్‌తేజ్‌ కథానాయకులుగా తెరకెక్కిన ఎఫ్ 3 సినిమా ఇటీవల విడుదలై చక్కటి ఆదరణ దక్కించుకుంది. ఇదే కాంబినేషన్‌లో గతంలో వచ్చిన 'ఎఫ్ 2'కి కొనసాగింపుగా 'ఎఫ్ 3' రూపొందింది.