Balakrishna NBK 109 Movie Shooting Update :ఆరు పదుల వయస్సులోనూ అభిమానులకు కావాల్సిన అన్ని ఎలిమెంట్స్‌ను అందించడంలో ఏ మాత్రం కాంప్రమైజ్‌ అవ్వట్లేదు నందమూరి నటసింహం బాలకృష్ణ. బ్యాక్ టు బ్యాక్ చిత్రాలతో కెరీర్లో దూసుకెళ్తున్నారు. రిసెంట్గా 'భగవంత్ కేసరి' చిత్రంతో దసరా బరిలో దిగి ఘన విజయాన్ని అందుకున్నారాయన. అఖండ, వీరసింహారెడ్డి చిత్రాల తర్వాత భగవంత్ కేసరితో హ్యాట్రిక్ సక్సెస్ను అందుకుని రికార్డులు సృష్టించారు. బాక్సాఫీస్ వద్ద ఈ చిత్రం రూ.130కోట్లకు పైగా వసూళ్లను అందుకుని సంచలనం సృష్టించింది.
ఈ జోష్‌లోనే ఇప్పుడాయన తన 109వ చిత్రం కోసం రెడీ అవుతున్నారు. డైరెక్టర్ బాబీ దర్శకత్వంలో ఈ చిత్రం రూపొందనుంది. సూర్యదేవర నాగవంశీ, ఎస్‌.సాయి సౌజన్య సంయుక్తంగా చిత్రాన్ని నిర్మిస్తున్నారు. అయితే ఈ చిత్రం లాంఛ్ చేసినప్పటి నుంచి ఎప్పుడెప్పుడు సెట్స్పైకి వెళ్తుందా..? అని నందమూరి అభిమానులు ఎంతో ఆసక్తిగా ఎదురుచూస్తున్నారు. అలానే ఈ ఏడాది వాల్తేరు వీరయ్య చిత్రంతో సూపర్ సక్సెస్ అందుకున్న బాబీ.. తన నెక్ట్స్ ప్రాజెక్ట్‌లో బాలకృష్ణను ఎలా చూపించబోతున్నారోనని కూడా ఎదురుచూస్తున్నారు.
Balakrishna Bobby Movie :అయితే తాజాగా అందిన సమాచారం ప్రకారం.. ఈ నెల 6వ తేదీ నుంచి హైదరాబాద్‌లో రెగ్యులర్‌ షూటింగ్ను ప్రారంభించుకోనుందని తెలిసింది. ప్రత్యేకంగా సిద్ధం చేసిన పెద్ద సెట్‌లో ఓ భారీ పోరాట ఘట్టంతో మొదటి షెడ్యూల్ ప్రారంభించబోతున్నట్లు సినీ వర్గాలు చెప్పాయి.