Ananth Sriram About Sarkaru Vari Paata Songs: పరుశురాం దర్శకత్వంలో మహేశ్ బాబు, కీర్తి సురేష్ జంటగా నటించిన చిత్రం సర్కారు వారి పాట. మైత్రీ మూవీ మేకర్స్తో కలిసి మహేశ్ బాబు స్వయంగా నిర్మించిన ఈ చిత్రం వచ్చే నెల 12న ప్రేక్షకుల ముందుకు రాబోతుంది. ఇప్పటికే విడుదలైన పాటలు ఇంటర్నెట్ను షేక్ చేస్తున్నాయి. అయితే ఈ చిత్రంలోని పాటలన్నీ ప్రేక్షకులకు షడ్రుచులు పంచుతాయని ఆ పాటలు రాసిన గేయ రచయిత అనంత్ శ్రీరామ్ అన్నారు. మరి కొద్ది రోజుల్లో ఈ చిత్రం ప్రేక్షకుల ముందుకు రాబోతున్న సందర్భంగా చిత్ర విశేషాలు, పాటల విశిష్టతను వివరించారు. ఈ సారి మహేశ్ బాబు అరుదైన కథను ఎంచుకున్నారని, దేశానికి మధ్య తరగతి కుటుంబాలకు ఎంతో ప్రయోజనం చేకూరేలా సర్కారు వారి పాట ఉంటుందని అనంత్ శ్రీరామ్ తెలిపారు.
Ashoka Vanamlo Arjuna Kalyanam Prank Video: యువ కథానాయకుడు విశ్వక్ సేన్ నటించిన చిత్రం 'అశోక వనంలో అర్జున కళ్యాణం'. మే 6న ఈ చిత్రం ప్రేక్షకుల ముందుకు రాబోతుంది. ఈ సందర్భంగా ఓ అభిమాని ఫిల్మ్ నగర్లో విశ్వక్ సేన్ వాహనానికి ఎదురుపడి 10 నిమిషాల పాటు నానా హంగామా చేశాడు. 'అల్లం అర్జున్ ఎక్కడా?' అని ప్రశ్నిస్తూ.. తనకు పెళ్లి కావడం లేదని ఆత్మహత్యాయత్నానికి పాల్పడ్డాడు. అడ్డుకున్న విశ్వక్ సేన్.... ఆ కుర్రాడిని సముదాయించి తన కారులో ఎక్కి పంపించారు. ఆ తర్వాత విశ్వక్ సేన్ ఆటోలో ఇంటికి తిరిగి వెళ్లిపోయారు. అయితే ఇదంతా సినిమా ప్రమోషన్లో భాగంగానే చేశారని చిత్ర బృందం ప్రకటించింది. కానీ బహిరంగ ప్రదేశంలో సినిమా ప్రచారం కోసం యువకుడు ఆత్మహత్యకు పాల్పడటంపై విమర్శలు వెల్లువెత్తుతున్నాయి. సినిమా ప్రచారం కోసం ఇలా ప్రవర్తించాలా అంటూ సామాన్య జనం ప్రశ్నిస్తున్నారు. సినిమా బాగుందంటే చూస్తారు, లేదంటే లేదని వాపోతున్నారు.
Bhala Tandana Trailer Release: యువ హీరో శ్రీవిష్ణు, కేథరిన్ ప్రధాన పాత్రల్లో నటించిన చిత్రం 'భళా తందనాన'. చైతన్య దంతులూరి దర్శకత్వంలో వారాహి చలన చిత్ర పతాకంపై నిర్మించిన ఈ చిత్రం మే 6న ప్రేక్షకుల ముందుకు రాబోతుంది. ఈ సందర్భంగా చిత్ర బృందం ట్రైలర్ను విడుదల చేసింది. ఇన్వెస్టిగేటివ్ జర్నలిస్టు పాత్రలో కేథరిన్ నటించగా.. గరుడ రామ్ ప్రతినాయకుడిగా బలమైన కథాంశంతో ఈ చిత్రం ప్రేక్షకుల ముందుకు రాబోతుంది. ఆద్యంతం ఆసక్తి రేకెత్తిస్తున్న ట్రైలర్ సినిమాపై అంచనాలను రెట్టింపు చేస్తోంది.