Alluarjun Latest Insta Post Pushpa 2 shooting Set : రీసెంట్గా బెస్ట్ యాక్టర్గా నేషనల్ అవార్డ్ అందుకున్న ఐకాన్ స్టార్ అల్లు అర్జున్.. తాజాగా తన అభిమానులకు బిగ్ సర్ప్రైజ్ ఇచ్చారు. ప్రముఖ సోషల్మీడియా ప్లాట్ఫామ్ ఇన్స్టాగ్రామ్కు స్పెషల్ స్మాల్ ఇంటర్వ్యూ ఇచ్చారు. ఇందులో తన దినచర్య ఎలా మొదలవుతుందో, కుటంబమంటే ఎంత ప్రేమో, దర్శకుడు సుకుమార్, అభిమానులతో ఉన్న అనుబంధం గురించి చెప్పారు. పుష్ప 2 కాస్ట్యూమ్స్, తన మేకప్తో పాటు షూటింగ్ మేకింగ్ వీడియోను చూపించారు. పుష్ప 2 చిత్రాన్ని ప్రతి ఒక్కరూ చూడాలని, అందరూ తప్పకుండా ఆదరిస్తారని తాను భావిస్తున్నట్లు పేర్కొన్నారు.
"హాయ్ ఇన్స్టాగ్రామ్, వెల్కమ్ టు హైదరాబాద్, ఇండియా. మిమ్మల్ని 'పుష్ప 2' సెట్స్కు తీసుకెళ్లబోతున్నాను. అంతకన్నాముందు నా ఇంటికి తీసుకెళ్తాను. నా దినచర్య ఎలా మొదలవుతుందో చెబుతాను. లేవగానే మెడిటేషన్ చేస్తాను. నా బ్యూటీఫుల్ గార్డెన్లో కాసేపు గడుపుతాను. సన్లైట్లో ఉంటాను. ఆ తర్వాత కాఫీ తాగుతాను. ఆ తర్వాత సెట్స్కి వెళ్లిపోతాను. ప్రతిరోజు మధ్యాహ్నం 1 గంటకు నా ఇంటికి కాల్ చేసి ఫ్యామిలీ మెంబర్స్తో మాట్లాడాను. వాళ్లే నా ప్రపంచం" అంటూ బన్నీ చెప్పారు.
Allu Arjun Pushpa 2 Sets : ఆ తర్వాత 'పుష్ప 2' సెట్స్ను సందర్శించిన వీడియోను చూపించారు బన్నీ. అభిమానులను ఉద్దేశిస్తూ మాట్లాడుతూ.. " ప్రపంచంలోనే బిగ్గెస్ట్ ఫిల్మ్ స్టూడియో రామోజీ ఫిల్మ్సిటీ. ఇతర చోట్లతో పోలిస్తే.. ఇండియాలో నా అభిమానులు చాలా ప్రత్యేకం. వారు చూపించే అభిమానాన్ని మాటల్లో చెప్పలేను. నన్ను ప్రేరేపించడంలో వారు కీలక పాత్ర పోషించారు. వారి ప్రేమే నన్ను మరింత ఉన్నతంగా ఉండేలా, కొత్తదనాన్ని చేసేలా చేస్తోంది. వాళ్లు మరింత ఎక్కువ గర్వపడేలా చేసేందుకు ప్రయత్నిస్తున్నాను." అని అన్నారు. దర్శకుడు సుకుమార్ గురించి మాట్లాడుతూ.. "20 ఏళ్ల నుంచి మేమిద్దరం కలిసి పనిచేస్తున్నాం. నేను దాదాపు 20 సినిమాలు చేసాను. నా 20వ సినిమా పుష్ప. ఇదే నా బిగ్గెస్ట్ హిట్." అని చెప్పారు.