'పుష్ప' సినిమాతో ఐకాన్ స్టార్ అల్లు అర్జున్కు పాన్ ఇండియా వైడ్గా ఫాలోయింగ్ పెరిగిపోయింది. ఈ సినిమా రాకముందు వరకు సౌత్ ఆడియెన్స్ మాత్రమే ఆయన సినిమా అప్డేట్స్ కోసం ఆసక్తిగా ఎదురుచూసేవారు. కానీ ఇప్పుడు అంతా మారిపోయింది. ఆయన చిత్రాల అప్డేట్స్ కోసం సౌత్ టు నార్త్ ఆల్ ఓవర్ ఇండియాలోని ప్రతి ఒక్క సినీ అభిమాని ఎదురుచూస్తున్నారు. ముఖ్యంగా 'పుష్ప ద రైజ్' సినిమా సంచలనం సాధించిడం వల్ల.. అభిమానులు ఈ చిత్ర సీక్వెల్ కోసం ఎంతగానో వెయిట్ చేస్తున్నారు. అప్డేట్స్ కావాలంటూ తెగ ఆరాటపడుతున్నారు.
దీంతో ఈ చిత్రాన్ని మరింత గ్రాండ్గా తెరకెక్కిస్తున్నారు దర్శకుడు సుకుమార్. ప్రొడక్షన్ హౌస్ 'మైత్రి మూవీ మేకర్స్' కూడా.. బడ్జెట్ విషయంలో రాజీ పడకుండా నిర్మాణ విలువలతో ఈ సినిమాను ప్రతిష్టాత్మకంగా నిర్మిస్తోంది. అలానే అల్లు అర్జున్ కూడా ఈ సీక్వెల్తో 'పుష్ప' కన్నా హై రేంజ్లో గ్రాండ్ హిట్ అందుకోవాలని.. పాన్ వరల్డ్ వైడ్గా తన క్రేజ్ను పెంచుకోవాలని కష్టపడుతున్నాడు. ఇక సినిమాలోని మిగతా స్టార్స్ సైతం ఇదే తరహాలో కృషి చేస్తున్నారు.
అయితే ఎట్టకేలకు 'పుష్ప' మూవీ టీమ్ అభిమానుల కోసం ఓ అదిరిపోయే అప్డేట్ ఇచ్చింది. సినిమాకు సంబంధించిన ఓ షార్ట్ వీడియోను రిలీజ్ చేసింది మూవీ టీమ్. 'ద హంట్ బిఫోర్ ది రూల్..రివీల్ ఆన్ ఏప్రిల్ 7, 4.05pm అంటూ క్యాఫ్షన్ను జోడించింది. ఈ వీడియో తిరుపతి జైలు నుంచి బుల్లెట్ గాయాలతో తప్పించుకున్న పుష్ప ఇప్పుడు ఎక్కడున్నాడన్న పశ్న చుట్టూ తిరుగుతోంది. ఆయన కోసం ఓ వైపు పోలీసులు గాలింపు చర్యలు చేపడుతున్న సమయంలో.. మరో వైపు ఊరి వాళ్లు నిరసనలు చేస్తున్నట్లు ఇందులో చూడొచ్చు. మరి పుష్ప ఎక్కడికి వెళ్లాడు? ఎందుకు పారిపోయాడు? ఈ విషయాలు తెలియాలంటే ఏప్రిల్ 7 వరకు వేచి చూడాల్సిందే.
శ్రీ వల్లీకి పుట్టిన రోజు శుభాకాంక్షలు..
మరో వైపు బుధవారం రష్మిక మందన్న బర్త్డే సందర్భంగా 'పుష్ప' ప్రొడక్షన్ టీమ్ మైత్రీ మూవీస్ ఓ స్పెషల్ పోస్టర్ను ట్విట్టర్ వేదికగా షేర్ చేసింది. 'అందమైన శ్రీవల్లికి 'పుష్ప' టీమ్ తరఫున పుట్టిన రోజు శుభాకాంక్షలు. మీరు ఎల్లప్పుడూ ఇలా మా హృదయాలను పాలిస్తూ ఉండండి' అంటూ రాసుకొచ్చరు. ఆ ఫొటోలో రష్మిక లంగా వోణీ వేసుకున్ని క్యూట్గా పోజు పెట్టింది. ప్రస్తుతం ఈ ఫొటోతో పాటు పుష్ప గ్లింప్స్ సోషల్ మీడియాలో వైరలవుతోంది.
