'నాంది' స‌క్సెస్ను ఆస్వాదిస్తున్న టాలీవుడ్ స్టార్ హీరో అల్లరి నరేశ్ మరోసారి అదే దర్శకుడితో ఓ సాలిడ్ సినిమాను ప్లాన్ చేశారు. అలా అల్లరి నరేశ్- విజ‌య్ క‌న‌క‌మేడ‌ల కాంబినేష‌న్‌లో రూపొందిన సినిమా 'ఉగ్రం'. ఈ సినిమా శుక్రవారం థియేటర్లలో సందడి చేస్తోంది. ఈ క్రమంలో ప్రీమియర్ షోలు చూసిన అభిమానులు.. ట్విట్టర్ ద్వారా తమ అభిప్రాయాలు తెలియజేస్తున్నారు. ఇంతకీ ఈ సినిమా ఎలా ఉందంటే ?
ఇప్పటికే రిలీజైన ట్రైలర్, టీజర్తో భారీ అంచనాలు పెంచేసిన ఈ సినిమా బాక్సాఫీస్ వద్ద మంచి టాక్ అందుకుంటోంది. గ‌త సినిమాల‌కు భిన్నంగా ఓ సీరియస్ పోలీస్ ఆఫీస‌ర్‌ అవతారంలో అల్లరి నరేశ్ క‌నిపించ‌డ వల్ల ఆడియన్స్‌లో మరింత ఆస‌క్తి రేగింది. ఈ క్రమంలో సినిమాకు అభిమానుల నుంచి పాజిటివ్ టాక్ వస్తోంది. ఇందులో అల్లరి నరేష్ తన యాక్టింగ్తో అదరగొట్టేశాడని.. బ్యాక్గ్రౌండ్ మ్యూజిక్, కెమెరా విజువల్స్ లాంటి అంశాలు అద్భుతంగా ఉన్నాయని అంటున్నారు. ఫస్ట్ హాఫ్ మిక్డ్స్ ఎమోషన్లతో ఉందని టాక్.
సినిమా ప్రారంభమైన 20 నిమిషాల తరవాత నుంచి ట్రాక్ ఎక్కుతుందని.. అయితే లవ్ సీన్స్తో పాటు కొన్ని సన్నివేశాలు కొన్ని చోట్ల సాగదీతగా ఉన్నాయని అంటున్నారు. ఇక ఇంటర్వెల్ సీక్వెన్స్ బాగుందని కొందరు అంటున్నారు. కానీ ఫస్టాఫ్‌తో పోలిస్తే సెకండాఫ్ బాగుందని అభిమానులు అభిప్రాయపడుతున్నారు. మొత్తంగా ఈ సినిమా ప్రేక్షకుల్లో మంచి మార్కులు కొట్టేసిందనే అంటున్నారు.
గోపీచంద్ రామబాణం ఎలా ఉందంటే..
ఇక టాలీవుడ్ మాచో హీరో గోపీచంద్ హీరోగా తెరకెక్కిన లేటెస్ట్ మూవీ రామబాణం. పీపుల్స్ మీడియా ఫ్యాక్టరీ బ్యానర్పై టీజీ విశ్వ ప్రసాద్ నిర్మించిన ఈ సినిమా కూడా శుక్రవారమే రిలీజైంది. ఇప్పటికే ప్రీమియర్ షోలు వీక్షించిన ఫ్యాన్స్ ట్విట్టర్లో ఈ సినిమా గురించి మాట్లాడుకుంటున్నారు. ఇక ఈ సినిమాకు కూడా అభిమానుల్లో నుంచి మంచి రెస్పాన్స్ వస్తోంది. రొటీన్ స్టోరీ అయినప్పటికీ.. కమర్షియల్ ఎలిమెంట్స్ అన్నీ పర్ఫెక్ట్గా కుదిరాయని.. అంతే కాకుండా సినిమాలో ఎమోషన్స్ బాగా వర్కౌట్ అయ్యాయని చెబుతున్నారు. మాస్ ఆడియన్స్ ఈ సినిమాకు బాగా కనెక్ట్ అవుతారని అంటున్నారు.
మరోవైపు ఈ సినిమా.. యాక్షన్ సీక్వెన్స్తో అదిరిపోయిందని కొందరు అభిప్రాయపడుతున్నారు. జగపతి బాబు, గోపీచంద్ మధ్య బ్రదర్ సెంటిమెంట్ బాగా వర్కౌట్ అయ్యిందని టాక్. ఇక అన్నావదినల కోసం గోపీచంద్ చేసే యాక్షన్ సీన్స్ ఆకట్టుకుంటాయని అంటున్నారు. మొత్తానికి ఈ సినిమా ఓ కంప్లీట్ ఫ్యామిలీ ఎంటర్టైనర్ అని నెటిజన్లు అభిప్రాయపడుతున్నారు.
