టాలీవుడ్ యంగ్ హీరో అఖిల్ అక్కినేని తన బ్యాచిలర్ జీవితంపై వస్తున్న వదంతులపై నోరు విప్పారు. ఈ వార్తలకు చెక్ పెట్టె ప్రయత్నం చేశారు. తాజాగా ఓ టీవీ ఛానల్కు ఇచ్చిన ఇంటర్వ్యూలో తన పెళ్లి విషయంపై క్లారిటీ ఇచ్చారు అఖిల్. తన వివాహానికి సంబంధించి వస్తున్న వార్తలన్ని రూమర్స్ అని కొట్టిపారేశారు అఖిల్. అలాగే తాను ఇప్పుడప్పుడే పెళ్లి చేసుకోవడం లేదని.. ఇంకా దానికి చాలా సమయం ఉందని స్పష్టం చేశారు. ప్రస్తుతానికి సింగిల్ లైఫ్నే ఆస్వాదిస్తున్నానని చెప్పారీ 28 ఏళ్ల హీరో.
ఇప్పుడే పెళ్లి చేసుకోను.. నా దృష్టిలో లవ్ అంటే అదే : అఖిల్
తన పెళ్లి గురించి వస్తున్న వార్తలపై ఎట్టకేలకు స్పందించాడు యంగ్ హీరో అఖిల్ అక్కినేని. ఓ టీవీ ఛానల్కు ఇచ్చిన ఇంటర్వ్యూలో మాట్లాడిన అఖిల్.. తన పెళ్లిపై వస్తున్న రూమర్స్కు ఫుల్ స్టాప్ పెట్టే ప్రయత్నం చేశారు. ఇంకా ఎమన్నారంటే..
పెళ్లి లవ్పై హీరో అఖిల్ అక్కినేని కామెంట్స్
"మీ ఉద్దేశంలో లవ్ అంటే ఏంటి..?" అని యాంకర్ అడిగిన ప్రశ్నకు.. తన దృష్టిలో లవ్ అంటే స్పోర్ట్స్ (క్రీడలు) అంటూ బదులిచ్చారు. తనకు చిన్నప్పటి నుంచే ఆటలంటే చాలా ఇష్టమని చెప్పారు. చైల్డ్హుడ్ డేస్లో తాను ఎప్పుడు క్రికెట్ ఆడినా టీమ్కు కెప్టెన్గానే ఉండేవాడని అన్నారు. ఆటలో తాను సిక్సర్లు కొట్టినప్పుడల్లా ఎన్నో కిటికీ అద్దాలు ధ్వంసం అయ్యాయని గుర్తుచేసుకున్నారు అఖిల్. ఇకపోతే స్పోర్ట్స్ ఆడడం వల్ల మనిషి మానసికంగా, శారీరకంగానూ దృఢంగా ఉంటాడని.. అందుకని ప్రతి ఒక్కరూ కచ్చితంగా ఆటలు ఆడాలని సూచించారు. అలాగే తాను సోషల్ మీడియాలో ఎందుకు యాక్టివ్గా ఉండరు అని అడిగిన ప్రశ్నకు.. "దాని గురించి నాకు అంతగా అవగాహన లేదు. అదంటే కొంచెం భయం. అందుకే కేవలం నా సినిమాలకి సంబంధించిన సమాచారాన్ని మాత్రమే అందులో పంచుకుంటాను" అని అఖిల్ సమాధానమిచ్చారు.
ఇక అఖిల్ సినిమాల విషయానికొస్తే.. 2021లో "మోస్ట్‌ ఎలిజిబుల్‌ బ్యాచ్‌లర్‌" సినిమాతో ఓ విజయాన్ని తన ఖాతాలో వేసుకున్నారు అఖిల్. కొత్తగా "ఏజెంట్" అనే మూవీలో నటించారు. స్పై థ్రిల్లర్‌ కథాంశంతో రానున్న ఈ చిత్రాన్ని రేసుగుర్రం దర్శకుడు సురేందర్ రెడ్డి డైరెక్ట్ చేశారు. సురేందర్ రెడ్డి, అనిల్ సుంకర సంయుక్తంగా నిర్మించారు. నిర్మాతగా సురేందర్ రెడ్డి మొదటి చిత్రం ఇదే. నటిగా సాక్షి వైద్య నటిస్తున్నారు. కేరళ నటుడు మమ్ముట్టి కీలక పాత్రలో కనిపించనున్నారు. పాన్‌ ఇండియా సినిమాగా రూపొందిన ఈ చిత్రం ఏప్రిల్‌ 28న ప్రేక్షకుల ముందుకు రానుంది. ఈ సినిమా కోసం రూ.80 నుంచి రూ.90 కోట్ల వరకు ఖర్చు చేశారట నిర్మాతలు. ఇక ప్రస్తుతం జరుగుతోన్న "సెలబ్రిటీ క్రికెట్ లీగ్‌" (సీసీఎల్)లో టాలీవుడ్ టీమ్ "తెలుగు వారియర్స్‌"కు కెప్టెన్‌గా వ్యవహరిస్తున్నారు అఖిల్.
Last Updated : Mar 19, 2023, 10:57 PM IST