Actor Jagapathi Babu Video: విలన్‌గా, ఫ్యామిలీ హీరోగా, క్యారెక్టర్‌ ఆర్టిస్ట్గా తన యాక్టింగ్‌తో కోట్లాదిమంది అభిమానులు, ఫాలోవర్లను సంపాదించుకున్నారు సీనియర్ నటుడు జగపతిబాబు. ఈ టాలెంటెడ్‌ యాక్టర్‌ను చాలా మంది 'జగ్గూ భాయ్' అని పిలుస్తుంటారు. సోషల్ మీడియాలో ఎప్పుడు ఏదో ఒక పోస్ట్‌తో అందరినీ పలకరిస్తుంటారు. ఈ సారి సాయిబాబాకు పూజ చేస్తున్న వీడియోను షేర్ చేశారు.
'దేవుడా అందరికీ చెప్పలేక చస్తున్నా'.. జగ్గూ భాయ్ సాయిబాబా పూజ వీడియో వైరల్!
టాలీవుడ్ సీనియర్ నటుడు జగపతిబాబు.. సోషల్మీడియాలో పెట్టిన ఓ పోస్ట్ ప్రస్తుతం వైరల్గా మారింది. సాయిబాబాకు పూజ చేస్తున్న వీడియో షేర్ చేసిన ఆయన.. 'దేవుడా అందరికీ చెప్పలేక చస్తున్నా' అంటూ క్యాప్సన్ ఇచ్చారు.
Actor Jagapathi Babu Video
సాయిబాబాకు పూజ చేస్తున్న వీడియోను షేర్ చేస్తూ.. 'దేవుడా.. అందరూ నా దగ్గర ఉందనుకుంటున్న డబ్బు నాకు ఇచ్చేయ్‌.. చెప్పలేక చస్తున్నా' అంటూ ట్వీట్ చేశారు. ఈ వీడియో ఇప్పుడు నెట్టింట వైరల్ అవుతోంది. 'మీ కోరిక త్వరలో నెరవేరాలని కోరుకుంటున్నా'.. అని ఓ నెటిజన్‌ కామెంట్ పెట్టగా.. 'హహహ ఏం టైమింగ్ సార్‌' అని మరో నెటిజన్‌ కామెంట్ చేశాడు.
ఈ ఏడాది 'రాధేశ్యామ్‌', 'గని', 'పరంపర సీజన్‌ 2'లో జగ్గూ భాయ్ మెరిశారు. ప్రస్తుతం బ్యాక్ టు బ్యాక్ సినిమాలతో ఫుల్ బిజీగా ఉన్నారు. ప్రభాస్‌ నటిస్తున్న పాన్ ఇండియా ప్రాజెక్ట్ 'సలార్‌'లో కీ రోల్ చేస్తున్నారు. దీంతోపాటు కన్నడలో 'కబ్జా', మలయాళంలో 'వాయిస్ ఆఫ్ సత్యానందన్‌'లో నటిస్తున్నారు. హిందీలో బాలీవుడ్ స్టార్ హీరో సల్మాన్‌ ఖాన్ 'కిసీ కా భాయ్ కిసీ కీ జాన్' చిత్రంలో కీలక పాత్ర పోషిస్తున్నారు.