Suicide: ప్రేమ విఫలం.. సెల్ఫీ వీడియో తీసుకొని యువకుడు ఆత్మహత్య

ప్రేమ మత్తులో పడి.. జీవితంలో మరే అనుభూతులను పొందకుండానేే.. ముప్పై ఏళ్లు నిండకుండానే యువత ఆత్మహత్యలకు పాల్పడుతోంది. తల్లిదండ్రులు ఇచ్చిన జీవితాన్ని కాలదన్నుకొని మృత్యుశిఖరాలకు చేరుతోంది. తాజాగా ఇలాంటి ఘటన హైదరాబాద్​ ఎస్​ఆర్​ నగర్​లో చోటుచేసుకుంది.

ప్రేమించిన యువతి నిరాకరించిందనే బాధతో ఓ యువకుడు ఆత్మహత్యకు పాల్పడ్డాడు. ఆమె లేనిదే బతకలేనని భావించి బలవన్మవరణానికి ఒడిగట్టాడు. హైదరాబాద్ ఎస్‌ఆర్‌ నగర్ పోలీస్​స్టేషన్ పరిధిలో ఈ ఘటన చోటుచేసుకుంది. 'నా చావుతోనైనా నిజం తెలుసుకుంటావు' అంటూ ప్రియురాలినుద్దేశించి సెల్ఫీ వీడియో తీసుకొని ఆత్మహత్య చేసుకున్నాడు.

బీకే గూడలోని వెంకటేశ్వరస్వామి ఆలయం సమీపంలో ఓ గదిలో మృతుడు సుధాకర్(30) తన మిత్రుడు భార్గవ్‌తో కలిసి నివాసం ఉండేవాడని పోలీసులు తెలిపారు. ఏడాది కాలంగా ఫేస్‌బుక్ ద్వారా పరిచయమైన ఓ యువతిని సుధాకర్​ ప్రేమించాడు. అతని ప్రేమను నిరాకరించడంతో తీవ్ర మనస్తాపం చెందాడని వెల్లడించారు. దీంతో అద్దెకుంటున్న గదిలోనే ఫ్యానుకు ఉరివేసుకుని ఆత్మహత్యకు పాల్పడ్డాడని వివరించారు. కేసు నమోదు చేసుకున్న పోలీసులు దర్యాప్తు ప్రారంభించారు. మృతదేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించారు.

ఇదీ చదవండి:Minister Gangula : 'దళితబంధు పథకంతో ఎస్సీల జీవితంలో వెలుగులు'