రెండు ద్విచక్రవాహనాలు ఢీ.. ఇద్దరు మృతి

మేడ్చల్ జిల్లా షామీర్ పేట్ పోలీస్ స్టేషన్ పరిధిలోని తుర్కపల్లిలో ఘోర రోడ్డు ప్రమాదం చోటు చేసుకుంది. ఎదురెదురుగా వస్తున్న ద్విచక్ర వాహనాలు ఢీ కొన్న ఘటనలో ఇద్దరు వ్యక్తులు అక్కడికక్కడే మృతి చెందారు. ఈ ప్రమాదానికి అతివేగమే కారణమని పోలీసులు తెలిపారు.

ఎదురెదురుగా వస్తున్న రెండు ద్విచక్రవాహనాలు ఢీకొని ఇద్దరు వ్యక్తులు మృతిచెందిన ఘటన... మేడ్చల్​ జిల్లా షామీర్​పేట్​ పోలీస్​ స్టేషన్​ పరిధిలో చోటుచేసుకుంది. తుర్కపల్లి నుంచి కొల్తుర్ వెళ్లే ప్రధాన రహదారిలో ప్రమాదం జరిగింది. ఘటనలో అల్వాల్​కు చెందిన జగదీశ్​(42)తో పాటు... మరో ద్విచక్రవాహనదారుడు కూడా అక్కడికక్కడే మృతిచెందాడు.

మృతి చెందిన ఇద్దరిలో ఒకరి వివరాలు తెలియాల్సి ఉందని పోలీసులు తెలిపారు. ఘటనా స్థలంలో వివరాలు సేకరించి... ఈ ప్రమాదానికి అతివేగమే కారణమని పేర్కొన్నారు. కేసు నమోదు చేసి దర్యాప్తు చేస్తున్నట్లు వెల్లడించారు. పోస్టుమార్టం నిమిత్తం మృతదేహాలను గాంధీ ఆస్పత్రికి తరలించారు.

ఇదీ చదవండి: 'తీవ్ర, అతి తీవ్రమైన లక్షణాలు ఉన్నవారినే ఆస్పత్రిలో చేర్చుకోవాలి'