Viral video: మద్యం మత్తులో పాదచారి.. దారుణంగా కొట్టిన ట్రాఫిక్ కానిస్టేబుల్!

Viral Video: ఏపీ తిరుపతిలో ఓ ట్రాఫిక్ కానిస్టేబుల్ వీరంగం సృష్టించాడు. అన్నమయ్య కూడలిలో ట్రాఫిక్ కానిస్టేబుల్​ కిశోర్ విధులు నిర్వహిస్తుండగా అడ్డదారిలో లారీ వచ్చి ఆగింది. దీంతో అతను లారీని తీయమని డ్రైవర్‌కు సూచించాడు. డ్రైవరు వాహనం పక్కకు తీస్తుండగా.. మద్యం మత్తులో ఉన్నఓ వ్యక్తి అడ్డగించాడు. ఆ వ్యక్తిని పక్కకు తప్పుకోవాలని ట్రాఫిక్ కానిస్టేబుల్ ఆదేశించాడు. అయిన అతను పక్కకు తప్పుకోకపోవడంతో ఇద్దరి మధ్య వాగ్వాదం జరిగింది. సహనం కోల్పోయిన కిశోర్ మద్యం మత్తులో ఉన్న ఓ వ్యక్తిని చితకబాదారు. సదరు వ్యక్తి కొట్టవద్దంటూ చేతులు పట్టుకొని బతిమాలినా కనికరించలేదు. బూటు కాలితో తన్నుతూ దాడి చేశాడు. రోడ్డుపై కిందపడినా వదలకుండా వెంటపడి మరీ కొట్టాడు. ఇందుకు సంబంధించిన దృశ్యాలు సోషల్ మీడియాలో వైరల్ అయ్యాయి. దీంతో ట్రాఫిక్ కానిస్టేబుల్​ను ఎస్పీ సస్పెండ్ చేశారు.

ఇదీ చదవండి:Newly Wed Bride Elopes With Lover : పెళ్లైన మూడ్రోజులకే.. ప్రియుడితో జంప్​