బషీర్‌బాగ్‌ బ్యాంక్‌ కాలనీకి చెందిన ప్లంబర్‌ పనిచేసే సయ్యద్‌ ఖలీల్‌(20) రెండు తల్వార్లను రెండు చేతులతో పట్టుకుని ఫొటో తీసుకుని దాన్ని వాట్సాప్ స్టేటస్‌గా పెట్టుకున్నాడు. కత్తులు పట్టుకున్న ఫొటో సమాజిక మాద్యమాల ద్వారా టాస్క్‌ఫోర్స్‌ పోలీసులకు చేరింది. శనివారం సాయంత్రం టాస్క్‌ఫోర్స్‌ పోలీసులు అతడ్ని పట్టుకుని విచారించగా.. మలక్‌పేట పోలీస్‌ హాస్పిటల్‌లో లాండ్రీ పనులు చేసే అంకిత్ లాల్‌(21) తనకు అమ్మినట్లు తెలిపాడు.
అంకిత్లాల్‌ను అరెస్టు చేసిన పోలిసులు.. తమదైన శైలిలో విచారించగా అసలు విషయం వెలుగు చూసింది. ఆసిఫ్‌నగర్‌ కాగజ్‌గూడ ప్రాంతానికి చెందిన రతన్‌ రాజ్‌కుమార్‌(55) సిద్దిఅంబర్‌ బజార్‌లో గిఫ్ట్స్‌ దుకాణం నడుపుతున్నాడు. లాభాలు లేక దిల్లీ నుంచి పదునైన కత్తులు, బాకులను తెచ్చి కొద్ది నెలలుగా విక్రయిస్తున్నాడు. అంకిత్‌లాల్‌కు చెప్పి కమీషన్‌ పద్ధతిలో ఒక్కో తల్వార్‌ను విక్రయిస్తున్నారు. అంకిత్‌లాల్‌ వ్యాపారం గురించి ఖలీల్‌కు వివరించగా అమ్మిపెట్టాడానికి రెండింటిని తీసుకున్నాడు. తీసుకున్న వాటితోనే ఫోటో తీసుకుని వాట్సాప్ స్టేటస్లో పెట్టుకున్నాడు. తనంటే చుట్టుపక్కల వారికి భయం ఉండాలని తల్వార్లు పట్టుకున్న ఫొటోకి క్యాప్షన్ రాసి పెట్టుకున్నాడు.