ఓ అపార్ట్‌మెంట్‌లోని దొంగతనానికి యత్నించిన వ్యక్తి పారిపోయే క్రమంలో తన ప్రాణాలు కోల్పోయాడు. దొంగను గుర్తించిన ఇంటి యజమానులు బిగ్గరగా కేకలు వేయడంతో ఆందోళనకు గురై నాలుగో అంతస్తు నుంచి దూకి మృతి చెందాడు. ఈ ఘటన హైదరాబాద్‌ జూబ్లీహిల్స్ పరిధిలోని వెంకటగిరిలో చోటుచేసుకుంది.
చోరీకి వచ్చి భవనంపై నుంచి దూకాడు.. చనిపోయాడు
చోరీకి యత్నించిన ఓ దొంగ తన ప్రాణాలు పోగొట్టుకున్నాడు. ఓ అపార్ట్మెంట్లో దొంగతనానికి వెళ్లగా ఇంటి యాజమానులు గట్టిగా కేకలు వేయడంతో నాలుగో అంతస్తు నుంచి కిందకు దూకాడు. ఈ ఘటన హైదరాబాద్‌ జూబ్లీహిల్స్ పరిధిలోని వెంకటగిరిలో చోటుచేసుకుంది.
జూబ్లీహిల్స్లో దొంగ మృతి
స్థానికంగా ఉన్న ఓ అపార్ట్‌మెంట్‌లోని నాలుగో అంతస్తులోకి ఆదివారం రాత్రి మహ్మద్‌ ఇబ్రహీం అనే వ్యక్తి దొంగతనం చేసేందుకు ప్రయత్నించాడు. దొంగ రాకను గుర్తించిన ఇంటి యజమానులు గమనించి గట్టిగా కేకలు వేశారు. ఈ క్రమంలో పారిపోయేందుకు యత్నించి నాలుగో అంతస్తు నుంచి కిందకు దూకడంతో అతని కాళ్లు, చేతులు విరిగిపోయాయి. స్థానికులు పోలీసులకు సమాచారం అందించగా ఘటనా స్థలానికి చేరుకుని ఇబ్రహీంను ఉస్మానియా ఆసుపత్రికి తరలించారు. చికిత్స పొందుతూ మృతి చెందినట్లు పోలీసులు తెలిపారు. కేసు నమోదు చేసిన దర్యాప్తు చేస్తున్నారు.