ఇంటి స్థలం విషయంలో తమ్ముడు సొంత అన్నను హతమార్చాడు. రంగారెడ్డి జిల్లా చేవెళ్ల మండలం కౌకుంట్ల గ్రామంలో ఈ ఘటన జరిగింది. గ్రామానికి చెందిన అశోక్‌(38), రాజు అన్నదమ్ములు. అశోక్‌ మేస్త్రీ పనిచేస్తుండగా.. రాజు ఇంటి వద్దనే ఉంటున్నాడు.
అన్నదమ్ముల మధ్య తరచూ గొడవలు జరగడంతో ఇటీవలే విడిపోయారు. సోమవారం ఇద్దరు ఇంటి స్థలం విషయంలో గొడవ పడ్డారు. అశోక్‌ తలపై రాజు రాయితో కొట్టడంతో అక్కడికక్కడే మృతి చెందాడు. వెంటనే చేవెళ్ల ఠాణాకు వెళ్లి కరోనాతో తన అన్న చనిపోయాడంటూ ఫిర్యాదు చేసినట్లు పోలీసులు తెలిపారు.