బ్లాక్​లో బ్లాక్‌ ఫంగస్‌ ఇంజక్షన్​.. ముఠా అరెస్ట్

కష్టకాలంలో ప్రజల అవసరాలను సొమ్ము చేసుకొనేందుకు.. ఓ ముఠా అక్రమ వ్యాపారాలకు పాల్పడింది. బ్లాక్‌ ఫంగస్‌ చికిత్సలో వినియోగించే ఇంజక్షన్లను బ్లాక్ మార్కెట్లో అధిక ధరలకు విక్రయిస్తూ పోలీసులకు చిక్కింది. ఈ ఘటన హైదరాబాద్​లో జరిగింది.

బ్లాక్‌ ఫంగస్‌ చికిత్సలో వినియోగించే ఇంజక్షన్లను బ్లాక్​ మార్కెట్​లో అధిక ధరకు విక్రయిస్తోన్న ఓ ముఠాను సికింద్రాబాద్ నార్త్‌ జోన్‌ పోలీసులు అరెస్ట్‌ చేశారు. నిందితుల నుంచి.. 5 ఆంపోటేరిసీయాన్ బీ ఇంజెక్షన్లు, 4 సెల్ ఫోన్లు స్వాధీనం చేసుకుని… వారిని రిమాండ్​కు తరలించారు.

ధనార్జనే ధ్యేయంగా మెడికల్ విభాగానికి చెందిన నిందితులు.. యాదయ్య(46), సతీశ్‌(31), సాయికుమార్‌(29), రాజశేఖర్‌(31)లు ఇంజక్షన్లను అధిక ధరకు విక్రయిస్తున్నట్లు టాస్క్‌ఫోర్స్‌ ఇన్‌స్పెక్టర్‌ నాగేశ్వర్‌రావు తెలిపారు. రూ. 8 వేల విలువగల టీకాను.. రూ. 50 వేలకు విక్రయిస్తున్నట్లు పేర్కొన్నారు. ముందస్తు సమాచారంతో.. కాచిగూడ పీఎస్ పరిధిలోని హెచ్​పీ పెట్రోల్ బంక్ వద్ద రెడ్​హ్యండెడ్​గా పట్టుకున్నామని వివరించారు. ఆపత్కాలంలో అక్రమ వ్యాపారాలకు పాల్పడితే కఠిన చర్యలు తప్పవని హెచ్చరించారు.

ఇదీ చదవండి:రూ.350 కోట్ల విలువైన బియ్యం ఎగవేత.. ఇప్పటికీ చర్యలు లేవు..