గ్యాస్​ గోదాం క్యాషియర్​ వద్ద నగదు దోపిడీ

గ్యాస్​ ఏజెన్సీ నుంచి విధులు ముగించుకుని ఇంటికి వెళ్తున్న క్యాషియర్​ వద్ద నగదు దోచుకున్న ఘటన హైదరాబాద్ బాలాపూర్​లో చోటుచేసుకుంది. దోపిడీకి పాల్పడ్డ ఐదుగురు నిందితులను బాలాపూర్ పోలీసులు అరెస్టు చేశారు.

హైదరాబాద్​ బాలాపూర్​లోని ఓ గ్యాస్ ఏజెన్సీ నుంచి విధులు ముగించుకుని ఇంటికి వెళ్తున్న క్యాషియర్​ వద్ద ఐదుగురు వ్యక్తులు దోపిడీ చేశారు. వీరిని అరెస్టు చేసిన బాలాపూర్​ పోలీసులు నిందితుల నుంచి రూ.1,28,890 నగదు, రెండు గోల్డ్​ చైన్స్, 3 ద్విచక్రవాహనాలు, 3 సెల్​ఫోన్లు స్వాధీనం చేసుకున్నారు.

ప్రధాన నిందితుడు జక్కుల బాలకృష్ణ గతంలో ఇదే గ్యాస్​ గోదాంలో పనిచేసినట్లు ఎల్బీనగర్ డీసీపీ సంప్రీత్ సింగ్ తెలిపారు. అతని ప్లాన్​తోనే మిగతా నలుగురు కలిసి ఈ దోపిడీకి పాల్పడినట్లు వెల్లడించారు.

• ఇదీ చదవండి :మరో రెండు నెలల్లో పూర్తిస్థాయిలో రైళ్లు!