అనారోగ్యంతో విశ్రాంత అదనపు ఎస్పీ వోరం భాస్కర్ మృతి

రాష్ట్రంలో సంచలనం సృష్టించిన కౌకొండ ఎన్​కౌంటర్​లో కీలకపాత్ర వహించిన విశ్రాంత అదనపు ఎస్పీ వోరం భాస్కర రావు అనారోగ్యంతో ఆదివారం రోజున కన్నుమూశారు. కొంతకాలం క్రితం కరోనా నుంచి కోలుకున్న ఆయన హైదరాబాద్​లోని ఓ ప్రైవేట్ ఆస్పత్రిలో తుదిశ్వాస విడిచారు.

విశ్రాంత అదనపు ఎస్పీ వోరం భాస్కర్ రావు ( 59 ) అనారోగ్యంతో ఆదివారం హైదరాబాద్​లోని ఓ ప్రైవేట్ ఆస్పత్రిలో మృతి చెందారు. ఇటీవలే ఆయన కరోనా నుంచి కోలుకున్నారు. ఈయన స్వగ్రామం కరీంనగర్ జిల్లా వీణవంక.

1989 లో పోలీసు శాఖలో ఎస్సైగా ఉద్యోగంలో చేరారు. రాష్ట్రంలో సంచలనం సృష్టించిన కౌకొండ ఎన్​కౌంటర్​లో కీలకపాత్ర వహించారు. కరీంనగర్ సీఐడీ విభాగంలో ఏఎస్పీగా పనిచేస్తూ 2020లో పదవీ విరమణ పొందారు. 2003లో చంద్రబాబు నాయుడుపై అలిపిరిలో జరిగిన దాడిపై దర్యాప్తునకు ఏర్పాటు చేసిన సిట్​లోనూ పని చేశారు.

• ఇదీ చదవండికరోనా రోగుల కుటుంబీకుల ఆవేదన... సమాచారం ఇవ్వని ఆస్పత్రులు