తనను చిత్రహింసలు పెడుతున్నారని.. రక్షించాలంటూ ఓ బాలుడు(12) చేసిన ఆక్రందనకు పటాన్ చెరు ఎమ్మెల్యే మహిపాల్‌రెడ్డి స్పందించారు. పోలీసుల సాయంతో దిల్లీ శివారులోని హరియాణా నుంచి ఆ చిన్నారిని రక్షించిన ఘటన సంగారెడ్డి జిల్లాలో చోటుచేసుకుంది.
జిన్నారం మండలం నల్తూరు పంచాయతీ పరిధిలోని ఓ గ్రామానికి చెందిన మహిళ భర్త తొమ్మిదేళ్ల కిందట మృతిచెందాడు. ఆమె 10 రోజుల క్రితం కుమారుడితో (12) కలిసి తిరుపతికి వెళ్తున్నానని చెప్పి ఓ వ్యక్తితో కలిసి హరియాణాకు వెళ్లిపోయింది. బాలుడు కొత్త మనుషుల మధ్య ఉండలేక, అక్కడి వారి భాష అర్థంకాక ఇంటికి వెళ్లిపోదామంటూ మారాం చేశాడు. వారు చిన్నారిని కొట్టడంతో పాటు బయటకు వెళ్లేటప్పుడు ఇంట్లో పెట్టి తాళం వేసి వెళ్లేవారు.