జల్సాలకు అలవాటుపడి ద్విచక్ర వాహనాల చోరీలకు పాల్పడుతోన్న పాత నేరస్థుడిని కూకట్‌పల్లి పోలీసులు అరెస్టు చేశారు. నిందితుడి వద్ద నుంచి 9 బైకులను స్వాధీనం చేసుకున్నారు. మాదాపూర్ డీసీపీ వెంకటేశ్వర్లు కేసు వివరాలను వెల్లడించారు.
ఏపీలోని కడప జిల్లా వేంపల్లికి చెందిన బడి వంశీరెడ్డి బాచుపల్లి ప్రాంతంలో నివాసం ఉంటున్నాడు. జల్సాలకు అలవాటుపడ్డాడు. ఈజీగా డబ్బు సంపాదించేందుకు దొంగతనాలను ఎంచుకున్నాడు. బైకులను చోరీ చేయడం మొదలెట్టాడు. ఇలా 2017లో ఎస్.ఆర్.నగర్ పోలీస్స్టేషన్, బంజారాహిల్స్ పోలీస్స్టేషన్ల పరిధిలో 7 ద్విచక్రవాహనాల దొంగతనం కేసులో అరెస్టై, జైలుకెళ్లాడు.