వరంగల్ అర్బన్‌ జిల్లా కేంద్రంలో మిల్స్ కాలనీ పోలీస్ స్టేషన్ ఎదుట ఓ వ్యక్తి ఆత్మహత్యకు యత్నించాడు. అబ్బని కుంట గ్రామానికి చెందిన హరికృష్ణకు కొన్ని రోజులుగా తన భార్యతో గొడవలు జరుగుతున్నాయి. ఫిర్యాదు చేయడానికి పోలీస్ స్టేషన్‌కు వెళ్లాడు. పోలీసులు స్పందించకపోయే సరికి వెంట తెచ్చుకున్న పెట్రోల్‌తో స్టేషన్ ఎదుట ఆత్మహత్యాయత్నానికి పాల్పడ్డాడు. అప్రమత్తమైన పోలీసులు బాధితుడిని హుటాహుటిన వరంగల్ ఎంజీఎం ఆస్పత్రికి తరలించారు.
భార్యతో గొడవ.. పీఎస్‌ ఎదుట భర్త ఆత్మహత్యాయత్నం - మిల్స్ కాలనీ పీఎస్‌ ఎదుట భర్త ఆత్మహత్యాయత్నం
భార్యాభర్తల విభేదాల్లో భర్త పోలీస్ స్టేషన్ ఎదుట ఆత్మహత్యాయత్నానికి పాల్పడిన ఘటన వరంగల్‌లో చోటుచేసుకుంది. అప్రమత్తమైన పోలీసులు.. బాధితుడిని ఆస్పత్రికి తరలించారు. గతంలో ఇదే తరహా ఘటన నగరంలో జరిగింది.
పీఎస్‌ ఎదుట ఆత్మహత్యాయత్నం
ఘటనాస్థలిని వరంగల్ తూర్పు ఏసీపీ గిరి కుమార్ పరిశీలించారు. హరికృష్ణ పరిస్థితి నిలకడగా ఉందని వైద్యులు తెలిపారు. గతంలో ఇదే పోలీస్ స్టేషన్ ఆవరణలో మరో బాధితుడు తన భార్య కాపురానికి వచ్చేలా పోలీసులు చర్యలు తీసుకోవాలంటూ సెల్ టవర్ ఎక్కి హంగామా సృష్టించాడు. ఇటీవల చోటు చేసుకున్న పలు ఘటనలతో మిల్స్ కాలనీ పీఎస్‌ అధికారులపై విమర్శలు అధికమవుతున్నాయి.
ఇదీ చదవండి:మట్టి పెళ్లలు పడి కూలీ మృతి