Fire accident: గడ్డపోతారం పారిశ్రామికవాడలో అగ్నిప్రమాదం

Fire accident at Lee pharma Industry Gaddapotharam: సంగారెడ్డి జిల్లా జిన్నారం మండలం గడ్డపోతారం పారిశ్రామికవాడలోని లీ ఫార్మా పరిశ్రమలో అగ్ని ప్రమాదం చోటుచేసుకుంది. మంటలు దావానలంలా వ్యాపించాయి. రసాయనాలు నిర్వహించే ట్యాంకు వద్ద అగ్ని ప్రమాదం చోటుచేసుకుంది.

Fire accident at Lee pharma Industry Gaddapotharam: రాష్ట్రంలో వరుస అగ్ని ప్రమాదాలు కలవరపెడుతున్నాయి. తాజాగా హైదరాబాద్ నగర శివార్లలోని జిన్నారం మండలం గడ్డ పోతారం పారిశ్రామిక వాడలోని లీ ఫార్మా పరిశ్రమలో అగ్ని ప్రమాదం సంభవించింది. దట్టమైన పొగలతో పరిశ్రమ పరిసరాల్లో మంటలు వ్యాపించాయి. భయాందోళనలతో కార్మికులు బయటకు పరుగులు తీశారు.

పరిశ్రమలోని ప్రొడక్షన్ బ్లాక్​లో సాల్వెంట్​ను అన్​లోడ్ చేస్తుండగా నిప్పురవ్వలు చెలరేగి ఒకేసారి ట్యాంక్ పేలి భారీగా మంటలు ఎగిసిపడ్డాయి. ప్రొడక్షన్‌ బ్లాక్​లో ఉవ్వెత్తున మంటలు చెలరేగడంతో పరిశ్రమలో దట్టమైన పొగలు కమ్ముకున్నాయి. మంటలు, కమ్ముకున్న పొగలతో పరిశ్రమలో పనిచేస్తున్న కార్మికులు ప్రాణాలను అరచేతిలో పెట్టుకుని బయటకు పరుగులు తీశారు.

ఈ ప్రమాదంలో ఇద్దరు కార్మికులకు గాయాలయ్యాయి. వీరి పరిస్థితి విషమంగా ఉండడంతో అంబులెన్స్‌లో హైదరాబాద్​కు తరలించారు. ఎగిసిపడుతున్న మంటలను పూర్తిగా అదుపులోకి తీసుకొచ్చామని అగ్నిమాపకాధికారి శ్రీనివాస్ తెలిపారు.

మరోవైపు హైదరాబాద్ పాత మలక్‌పేటలోని ఓ ఇంటిలో గ్యాస్ సిలిండర్ పేలింది. పెద్ద ఎత్తున మంటలు చెలరేగాయి. ఆ సమయంలో ఇంట్లో ఎవరూ లేకపోవడంతో పెద్ద ప్రమాదం తప్పింది. స్థానికులు అందించిన సమాచారంతో హుటాహుటిన అగ్నిమాపకశాఖాధికారులు రెండు శకటాలతో తరలివచ్చి మంటలను అదుపులోకి తెచ్చారు.

ఇవీ చదవండి: