బుల్లెట్​లో పెట్రోల్​ కొడుతుండగా చెలరేగిన మంటలు

ఏపీలోని గుంటూరు లాడ్జి సెంటర్‌లో ఉన్న ఇండియన్ పెట్రోల్ బంక్‌లో అగ్నిప్రమాదం సంభవించింది. బైక్‌లో పెట్రోల్ నింపుతుండగా మంటలు చెలరేగినట్లు బంక్ సిబ్బంది తెలిపారు.

ఓ బుల్లెట్ బైక్లో పెట్రోల్ నింపుతుండగా... మంటలు చెలరేగిన ఘటన... ఆంధ్రప్రదేశ్​లోని గుంటూరు లాడ్జి సెంటర్​లో ఇండియన్ పెట్రోల్ బంక్​లో సంభవించింది. ట్యాంక్ నిండిపోయి ఇంజన్ మీద పడి... ఒక్కసారిగా మంటలు చెలరేగాయి. దీంతో బైకు సగానికిపైగా మంట్లలో దగ్ధమైంది.

అక్కడున్నవారిచ్చిన సమాచారంతో ఘటనా స్థలానికి చేరుకున్న అగ్నిమాపక సిబ్బంది మంటలను అదుపు చేశారు. నిత్యం రద్దీగా ఉండే లాడ్జి సెంటర్​లో అగ్నిప్రమాదంతో స్థానికులు కంగారు పడ్డారు. మంటలు అదుపులోకి రావడంతో ఊపిరి పీల్చుకున్నారు.

ఇదీ చదవండి:వెంకట్రామిరెడ్డిపై చర్యలు తీసుకోండి.. డీజీపీకి ఎస్‌ఈసీ లేఖ