టాలీవుడ్ డ్రగ్స్ కేసులో(Tollywood Drugs case) ఈడీ(ed) అధికారులు దర్యాప్తు ముమ్మరం చేశారు. మనీలాండరింగ్ కేసు(Money laundering case) నమోదు చేసిన ఈడీ అధికారులు... దర్శకుడు పూరి జగన్నాథ్‌ను(Puri Jagannadh) రేపు ప్రశ్నించనున్నారు. ఈ మేరకు ఆయనకు ఈడీ అధికారులు ఇప్పటికే నోటీసులు జారీ చేశారు. రేపు ప్రారంభమయ్యే విచారణ సెప్టెంబర్ 22 వరకు కొనసాగనుంది. సినీ పరిశ్రమకు చెందిన 12మందికి నోటీసులు జారీ చేశారు. నిర్ధేశించిన తేదీల్లో విచారణకు హాజరుకావాలని సూచించారు.
11 నేరాభియోగ పత్రాలు
టాలీవుడ్ డ్రగ్స్ కేసును దర్యాప్తు చేసిన ఆబ్కారీ శాఖ సిట్ అధికారులకు ఈడీ నోటీసులు జారీ చేసింది. వీరితోపాటు మరికొంత మందిపై విచారణ జరిపే అవకాశం ఉంది. డ్రగ్స్ కేసులో ఆబ్కారీ శాఖ సిట్ అధికారులు మొత్తం 12 ఎఫ్ఐఆర్‌లు నమోదు చేశారు. ఇందులో 12మంది సినీ రంగానికి చెందిన ప్రముఖులతో పాటు... మరో 50మందిని విచారించారు. ఇప్పటివరకు 11 నేరాభియోగపత్రాలు దాఖలు చేశారు.