couple suicide at karimnagar: బతుకు భారమై.. చావే శరణ్యమై

couple suicide at karimnagar: వారికి ఇద్దరు పిల్లలు ఉన్నంతలో వివాహం జరిపించారు. బాధ్యతలు తీరాక కిరాణా దుకాణం నడపుకుంటూ జీవనం సాగిస్తున్నారు. అది సరిగా నడవకపోవడంతో ఆర్థిక ఇబ్బందులు చుట్టుముట్టాయి. దీంతో ఎవరికి చెప్పుకోలేక మనోవేదనకు గురయ్యారు. దీనికి చావే పరిష్కారమని నిర్ణయించుకుని ఆ దంపతులు బలవన్మరణానికి పాల్పడ్డారు.

couple suicide at karimnagar: కరీంనగర్​ జిల్లా కేంద్రంలో విషాదం చోటుచేసుకుంది. ఆర్థిక ఇబ్బందులకు తాళలేక దంపతులు ఉరివేసుకుని ఆత్మహత్య చేసుకున్నారు. అశోక్ నగర్ కు చెందిన నార్ల వెంకటేష్ సుజాత దంపతులు తాము నివాసముంటున్న ఇంట్లో బలవన్మరణానికి పాల్పడ్డారు.

వీరికి ఒక కూతురు ఒక కుమారుడు ఉన్నారు. ఇద్దరికి వివాహం అయింది. ఈ సమయంలో కిరాణా దుకాణం సరిగా నడవక పోవడంతో మానసిక వేదనకు గురయ్యారు. ఈ నేపథ్యంలో శుక్రవారం ఉదయం బాల్కనీలో ఉరి వేసుకున్నారు. ఇది గమనించిన కుమారుడు స్థానికులతో కలిసి పోలీసులకు సమాచారం ఇచ్చారు. మృతదేహాలు జిల్లా ప్రభుత్వ ఆసుపత్రికి తరలించారు.

ఇదీ చదవండి:Mother Jumped into Well with kids : ఇద్దరు పిల్లలతో సహా బావిలోకి దూకిన తల్లి