కానిస్టేబుల్ ఆత్మహత్యాయత్నం... అదే కారణమా..?

ఓ కానిస్టేబుల్ ఆత్మహత్యాయత్నం చేశాడు. హైదరాబాద్​లోని బహదూర్​పురా పీఎస్లో​ పనిచేసే వెంకటేశ్ నిద్రమాత్రలు మింగాడు. వెంటనే గుర్తించిన కుటుంబసభ్యులు అతన్ని ఆస్పత్రికి తరలించడంతో ప్రాణాపాయం తప్పింది.

హైదరాబాద్​లోని బహదూర్​పురా పీఎస్​ విధులు నిర్వహించే కానిస్టేబుల్ వెంకటేశ్ ఆత్మహత్యాయత్నం చేశాడు. ఈరోజు ఉదయం నిద్రమాత్రలు మింగి బలవన్మరణానికి యత్నించాడు. అయితే కుటుంబసభ్యులు వెంటనే లంగర్​హౌస్​లోని ఓ ప్రైవేట్ ఆస్పత్రికి తరలించారు. ప్రస్తుతం ఎలాంటి ప్రాణపాయం లేదని బంధువులు తెలిపారు. అయితే ఆత్మహత్యాయత్నానికి గల కారణాలు తెలియాల్సి ఉంది.

మూడు రోజుల క్రితం రాజేంద్రనగర్ ట్రాఫిక్ పోలీసులు అత్తాపూర్ వద్ద విధుల్లో ఉన్న సమయంలో రాంగ్ రూట్​లో బండి నడుపుకుంటూ కానిస్టేబుల్ వెంకటేశ్ వెళుతుండటం గమనించారు. అతన్ని ఆపి ప్రశ్నించగా తాను డిపార్ట్​మెంట్ అని దురుసుగా మాట్లాడటంతో రాజేంద్రనగర్ ట్రాఫిక్ పోలీసుల బ్రీత్ ఎనలైజర్​తో తనిఖీ చేయగా రీడింగ్ 36గా నమోదైంది. అతని ద్విచక్ర వాహనాన్ని పోలీసులు సీజ్‌ చేశారు. విషయం తెలుసుకున్న సీపీ అంజనీ కుమార్ (Cp anjani kumar) వెంకటేశ్​ను సస్పెండ్ (Suspend) చేస్తూ ఆదేశాలు జారీచేశారు.

ఇదీ చూడండి:మద్యం తాగి బస్సు నడిపిన డ్రైవర్ అరెస్ట్​