మాజీ ఎమ్మెల్యేకు సీఐ బెదిరింపులు, కాల్చి పడేస్తానంటూ
CI Warning to EX MLA: రేయ్.. అడుగు ముందుకు వేశావంటే కాల్చిపడేస్తానంటూ తెదేపా నేత, ఏపీ మాజీ ఎమ్మెల్యే బీకే పార్థసారథిని సీఐ చిన్నగౌస్ బెదిరించిన వీడియో వైరల్ అవుతోంది. ఆంధ్రప్రదేశ్లోని కుప్పంలో వైకాపా నేతల దాడులపై ఆందోళనకు వెళుతున్న మాజీ మంత్రి పరిటాల సునీత, మాజీ ఎమ్మెల్యే బీకే పార్థసారథిలను శ్రీసత్యసాయి జిల్లా రామగిరిలో పోలీసులు అదుపులోకి తీసుకున్నారు.
దీనిని వ్యతిరేకిస్తూ తెదేపా శ్రేణులతో కలిసి పరిటాల సునీత, పార్థసారథిలు పోలీస్స్టేషన్ ఎదుట ఆందోళన చేశారు. ఈ సందర్భంగా పార్థసారథికి సీఐ చిన్నగౌస్కు మధ్య వాగ్వాదం చోటుచేసుకుంది. కోపోద్రిక్తుడైన సీఐ చిన్నగౌస్ రేయ్ అడుగు ముందుకెయ్ కాల్చిపడేస్తానంటూ పలుసార్లు పార్థసారథిని బెదిరించారు. ఈ వీడియో ప్రస్తుతం నెట్టింట వైరల్గా మారింది.